مطبخ الخميس


كل ويكند يكون بيتنا زحمه .. سواء اخوي وزوجته ، او عيال عمي، واحيان اي احد من العائلة .. الويكند معروف يوم الاستقبالات.. لدرجة احيان مايمدي انزل للسوق:(

بهاليوم اتبرع واطبخ لهم بما انو طول الاسبوع مستحيل اطبخ

منيو هالاسبوع ماكان كثير لان بعض الاغراض مالقيت مقاديرها ووصيتهم يجيبونها بس مالقوا

عموما هذا المنيو وراح انزل الطريقة بالاسفل:

دجاج مدخن بالسمسم – مكرونة بالصلصة الوردية

جبنية للقهوة

الجبنية

المقادير خذتها من مطبخ الاقلاع.. صراحه نسيت منو نزلتها لاني كاتبتها بالدفتر

1 كاس دقيق – 4 ملاعق جبن سائل – 1 بيضة – ملعقو صغيرة باكنج بودر

نخلطها مع بعض ونخليها تخمر نص ساعة.. بعد كذا نقطعها بالشكل اللي نبي ونخليها ترتاح خمس دقايق.. انا ما خليتها ترتاح هالخمس لانو خذت وقت على بال مادخلتها بالاعواد.. 😀

بعد كذا تقلينها بزيت عميق حار واول ماتطلع غطسيها بالشيرة، بعد ماتصفين الشيرة تحطين عليها ملعقتين كبيرة حليب نستله وتقلبينها ..

وهنا صورة ثانية لها

قدمنا برضو كيكة جابتها زوجه اخوي

الطريقة سهله حيل….. كيكة جاهزة وفوقها طبقة كريمة .. الكريمة مرة حلوة وخفيفة .. قلت لها ترسل لي طريقتها على الجوال

اول ماترسلها بعدل على التدوينه واكتبها 😀

المقادير:

2 ملعقة دقيق – 2 ملعقة زيت – توضع على النار وبعد ذلك يضاف لها  كاس حليب و 2 ملعقة كاكاو و بيالة سكر.. وتخفق على النار الى ما يسمك قوامها…

توضع على الكيكة وهي ساخنه

الطبق الرئيسي للعشا كان دجاج مدخن+ مكرونة بالصلصلة الوردية… بس حدثت الكثير من التغييرات 😀 بسبب ان الوالدة -الله يحفظها- ماعجبها لون الصلصلة وحستها ((تفشل)).. loool.. بالتالي صار بعض التعديلات بالطبق وطلع بالشكل التالي…

المقادير للدجاج:

8 قطع فخذ بدون ساق – بهارات الشوي – بصلة كبير مقطعه جوانح – فلفل رومي مقطع جوانح – ربع كاس خل ابيض – ثلث كاس سمسم – فلفل احمر (حسب الرغبة) – ملح – خمس فصوص ثوم مهروسة – قليل من الموية

نخلط المقادير مع الدجاج ونتركتها تتبل تقريبا ساعة .. بعد كذا نحطه بصينيه ونقصدرها وندخله الفرن … بعد مايستوي الدجاج نرفع القصدير ونخليه على درجة عاليه بالفرن لين ينشف ويتحمر.. لو ماتحمر شغلي الشوايه من فوق وحمريه.. بعد كذا نجيب شوي زيت ونحطها بصحن داخل الصينية .. ونحط وسطها جمرة ونغطي الصينيه زين عشان تتبخر

المكرونة :

نسلق كيس واحد مكرونة من اي نوع بشرط تكون الحجم صغير

نخلط في قدر 3 ملاعق دقيق – نص كوب حليب – 2 كاس موية – 3 ملاعق زيت – ثوم بودر – بهارات ايطاليه – ملح

نحطها على النار لين تمسك شوي.. وتراها تكون خفيفة مو مثل الباشميل اول ماتطبخ نحط عليها ملعقو صغيرة كاتشب عشان يصير اللون وردي… واذا اللون فاتح مرة ممكن تزيدون الكاتشب:)

بعد تصفية المكرونة نخلطها مع الصلصلة مع شوي فلفل رومي

التعديلات اللي صارت انو شلت الصلصة اللي بقت في الصينية مع الدجاج واضفتها على صلصلة المكرونة .. وخلطتها … وبعد كذا حطيتها بصحن وفوقها الدجاج… صار طعم المكرونة مدخنه .. والسمسم عطاها نكهه غريبة وحلوة 😀

اتمنى تجربوها لانها بجد لذيذة

Advertisements

10 thoughts on “مطبخ الخميس

    1. شفتي.؟؟
      بس ليت امي وافقت احط الصلصة زي ماهي
      وانا من الاحباط ما صورتها قبل احوسها 😀

      عاد ان شاء الله نتظور مستقبلا واصير انزل مفطح
      زي اخونا اللي بمطبخ الاقلاع .. يااااه حسيت انو
      اطلق طباخ وانا خربوطية جنبه:p

      إعجاب

  1. بالعااافية يارب ومطرح مايسري يمري
    شكل طعمه خيااااااااااال (وجه يقوطر سعابيل)
    ان شاء الله بجرب اسويها بس بخلي الدجاج مع رز بشعيرية اما عاد اتعب في هالاثنين في يوم واحد :p

    إعجاب

    1. اممم
      رز بالشعيرية …؟
      تصدقين مهيب شينه .. بجرب اسويها مرة ثانية
      الا وش رايك اسويها طالما انتي بزيارة قصيرة هنا:D؟

      خلاص ان شاء الله اسويها هاليومين اذا ماطبوا علينا

      إعجاب

  2. بنت رجال وعساك على القوه والله يعطيك العافيه ويسلم يدينك وتلقينها بصبرك ومثابرتك ان شاءالله تنفرج لك

    إعجاب

  3. سوقووي ..!

    ماشاء الله عليك .. كل خميس تطبخين!

    محظوظين فيك أهلك .. آلله يخليك لهم

    آلمكرونه شكلها لذييذ !

    تسلمين ^^

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s