نورت الرياض برجعتكم


امس السبت كان البيت في حالة استنفار.. لانو اختي الكبيرة واخوي جايين من استراليا في اجازة كم اسبوع… طبعا لهم فترة طويلة من راحوا… وعن نفسي كنت فاقدتهم كثير .. فاقدة جلسة اختي معي بالصالة .. خصوصا انها يوم راحت صرت كأني جني اجلس لوحدي وكلهم ينامون.. وفاقدة ازعاج اخوي لما يفتح باب غرفته .. وصوت تلفزيونه بالليل اللي يصحيني من النوم .. لان غرفته الجدار بجدار غرفتي…

طبعا انواع الاستعدادات والتجهيزات من حلى وعشا وتجهيز بالبيت

حبيت شكل البخور وخذت له اكثر من صورة ..

شكل البخور حلو مع البني في المطبخ

عادي عادي.. تخاريف وحدة مانامت زين…. مو من الحماس صاحية بدري .. اللي يشوفني يقول بيجون الصبح بدري… بس كنت متحمسه حيل

طبعا اول ماصحيت لازم اسوي حلى … وكان الاختيار على بسبوسة الاوريو.. بعد ترشيح من امي

وهنا لقطة ثانية … طبعا الفهاوة لها دور وقت التصوير… خصوصا انو جالسه استخدم جوال نوكيا ولا بعد تعودت على كاميرته:(

طبعا بعد التجهيزات والاستعداد جلسنا ننتظر… طبعا احنا ماعندنا سالفة من الساعة 8 مرتزين ننتظر.. واللي جت من الدوام ولا نامت .. واللي جايين من المدرسة مانامواالعصر… فانواع التتنيح لكل اهل البيت 😀

ما امداني القط لكم صورة للقهوة وهي مرتزة وحيدة بالصالة .. ..

طبعا جو وسولفنا وتعشينا .. وبعدها جى وقت تفريغ الشنط وتوزيع الهدايا

والله الله يعافيها جابت اشياء كثير وغريبة .. حاولت القط صور للاشياء اللي مافيها احد طالع .. والاشياء الغريبة 😀

هذا العنكبوت يمشي بريموت … حبيته

ميداليات جابتهم عشان اذا الصغار يبون يعطون صديقاتهم.. انا ماخذت منها شي بس صورتها

وصورة ثانية لهم

سنو مان .. جدا لطيف ورهيب

كان فيه اشياء كثير وصورت اكثر… بس اكتشفت انو اغلب الصور فيها احد طالع بطريقة غير قابله للتعديل فاستبعدتهم

من بكرة كان لازم امي تسوي لهم وليمه… وتذوقهم من لحم ضحيتنا … وكان غدا ماحصلش… الله يحفظ امي ويطول بعمرها ويزيد من صحتها … قبل مايحظون الغدا لازم القط كذا صورة بالمطبخ خصوصا انو مافيه امل اقدر اصور على السفرة لانهم جالسين عليها 😦

ترى ابدااااااا ماكنت اصور وامي تبيني اقصدره لا يبرد

صورة ابعد تبين كل الصينية … .. ياه احب هالصينية عشان الواحد يقدر يعزل له بصحن صغير.. لما تكون الصينية قصيرة مو بسهولة الواحد يوصل لها .. خصوصا لما تجلس على السفرة اخر واحد ومكانك مايكون حلو

وماتكمل السفرة وتصير عزيمة الا بجريش;)

طبعا بعد الغدا تتوقعون صار هدوء بالبيت ؟؟؟ لا مستحيل.. تجمعوا خوالي الرجال بزيارة سريعه من بعد العشا .. عشان يسلمون على اللي جوا.. وجانا اخوي وزوجته وبنات خالي…. الخ… يعني باختصار كان البيت زحمه

الزبده بالموضوع اني مبسوطة وكل اللي فوق تخاريف:D

ونورت الرياض فيكم

Advertisements

4 thoughts on “نورت الرياض برجعتكم

  1. والله انبسطططططت .. ثلاث ايام وانا احس اني شخصية مشهورة :d

    شوكرررررن مرة
    واذا جيتو لاستراليا ان شاء الله بذبح لكم كنغر :p

    إعجاب

    1. looooooooooooooooooooool
      لا نبي خروف استرالي;)

      ايه مايمديك من عقب فلاشات يوم التخرج المفروض تعرفين انك
      مالك بديل;)….. انتي بس خلصي دراسة وتعالي وتشوفين
      الشخصيات المهمة اللي قبل اسمهم (د) شلون يعاملونهم:D

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s