Julie & Julia


من زمان ما كتبت شي عن الاشياء اللي اشوفها .. هذا مو معناه اني ما شفت شي.. بس مالقيت وقت عشان افكر واستخلص الاشياء من عقلي عشان اكتبها

من فترة بسيطة شفت فيلم Julie & Julia .. طبعا شفته عن طريق توصية من اختي .. ونصحتني فيه لانو الفيلم فيه شخصية عندها مدونة تكتبت فيها ..

معلومات عن الفيلم :

نوع الفيلم : كوميدي – دراما – رومانس على خفيف

المخرج: Nora Ephron

المؤلف: مقتبس من كتابين لشخصيتي الفيلم

تمثيل : Meryl Streep   /   Amy Adams

مدة الفيلم : ساعتين
تاريخ العرض: 7/8/ 2009

قصة الفيلم :

الفيلم يتكلم عن امرأتين .. جوليا تشايلد اللي زوجها في السفارة بفرنسا وتدور عن شي يشغل وقت فراغها .. وتتوصل انها تتعلم الطبخ بما انو تحب الاكل… وعن جولي بويل السكرتيرة الحكومية اللي تاخذ من الطبخ للتنفيس عن غضبها وتوترها في العمل.. وهي معجبة بشدة بكتاب جوليا تشايلد الخاص بالطبخ .. وتعتبرها مثلها الاعلى في الطبخ..
تبدا القصة لما تقرر جولي تسوي لها مدونة وتحدد هدف عمل 524 وصفه طبخ من وصفات جوليا خلال 365 يوم .. ومن بين هالطبخات اصعب شيين عندها .. وهو استخراج عظام البطة و طهي المأكولات البحرية ..
هذي هي القصة باختصار .. وللأسف كل القصة..!
توقعت الفيلم يكون افضل شوي من كذا .. بس للاسف مادريت ان من بين تصنيفة انو سيرة ذاتية لشخصيتين .. لانو مثل هالتصنيف يكون ماله بداية ولا نهاية .. مجرد اقتطاع فترة من سيرة ذاتية ووضعها بفيلم ..
الشي الوحيد اللي عجبني بالفيلم الطبخات .. الوصفات والاشكال .. كلها شهيه .. واضطريت اطفي الفيلم اكثر من مرة لانو اكتشف اني جايعه والمشاهد ابدا ما تساعد ..
طبعا بالنظر للتمثيل ميريل ستريب كعادتها مبدعه دوووووما .. ضبطت دور المرأة البريطانية ، بس الله يهديها نبرة صوتها كانت مرة مزعجة .. اظنها كانت تقصد قوة شخصية جوليا ..

تقييم الفيلم :

تم تقييم الفيلم في موقع imd: وكان التقييم 7.3 من 10
تقييمي للفيلم : 5 من 10

صور للفيلم :

Paul (Stanley Tucci) and Julia Child (Meryl Streep)

Julie (Amy Adams) cooks in her tiny LIC kitchen.

اخر شي واهم شي للبعض .. روابط التحميل ..

طبعا من منتديات تنين العرب

انا حملت نسخه مدموجه معاها الترجمه عشان الايبود

شكرا نورة على هدية الايبود ..


Julia Child (book “My Life in France”) and
Alex Prud’homme (book “My Life in France”)
Advertisements

7 thoughts on “Julie & Julia

  1. الفلم كان جداً جميل ،
    بعد ما خلصتة حسيت بشعور منعش و إن الحياة حلوة .. كذا عطاني push لقدام ،،
    و إن الأحـلام ما تتحق إلا بالمثابرة و الإجتهاد 🙂
    ميريل هالحرمة تعجبني بشكل .. تتقمص الدور بشكل كبيييير ،
    الي استغربتة جسمها بالفلم .. كانت جدا متنانة ، قريت إنها زادت 15 باوند عشان هالدور بس !
    أحسها زي حياة الفهد عندنا خخخ .

    إعجاب

    1. loooooooooool
      شوفي ميريل ستريب ما يختلف اثنين على تمثيلها .. مرة رااااائع بالفيلم .. واذا كملته فهو عشانها .. ابي اشوف وشلون تمثل باقي الادوار

      بس اللي قهرني بالفيلم الجزئية الاخيرة لما صارت تجي جولي الاتصالات وكذا ..
      ردة فعل جوليا .. يعني هالاشياء احس لو استبعدوها افضل .. وجودها ماكان له
      معنى .. الا اذا كان المعنى شي انا مافهمته:)

      عموما اظن مغزى الفيلم ما كان السيرة الذاتية .. كان عن المفهوم اللي وصل لك .. وهو ان النجاح ما يجي الا بعد الاصرار والمثابرة .. وان خلال هالمسيرة لازم يمر الواحد باحباطات ولو كان هالشي من الاشخاص اللي يشوفهم مثله الاعلى;)

      إعجاب

  2. اهلين ياقممر من امس ابكتب تعليقي ع الفلم
    اول شي الفلم قبل لا اشوفه كنت متحمسه مرررة لان فيه اعظم ممثلة ميريل ستريب
    فضيعه هالانسانه بصراحه يعجبني اتقانها لاعمالهااا
    حتى بالفلم كنت الاحظ حركاتها ونبرة صوتها حتى تسريحة شعرها ومكياجها اتعب على هالتمثيل
    بس الفلم عموما ما عجبني صراحه احس ضيعت ساعتين ع الفاضي
    يعني اووكي كقصة حلوة بسس بالنهاية مرة ما عجبني وبديت احس بالملل من نص الفلم تقريبا
    انا حبيت فكرة التدوين من هالفلم وبديت افكر فيها < ابد ما غارت :$
    وحبيت فكرة انو الواحد يحدد هدف يعمله خلال فترة زمنية ويحاول بقدر الامكان يحقق هدفه
    امم ودي اتذكر احداث صارت بالفلم بس انا شفته من فترة اول ما نزل تقريبا فنص الاحداث ناسيتهاا
    سي يو يا قممر

    إعجاب

    1. انا اللي قاهرني انو كنت متحمسه من اول مانزل
      وجلست طول هالفترة انتظر نسخه قزازة عشان استمتع
      بتمثيل ميرل ستريب .. بس للاسف الشديد خاب ظني
      الجزئية اللي في الفيلم عن الاصرار والهدف حبيتها
      بس النهاية فاشلة ..
      احسهم فجأة قالوا ماعاد نبي نصور!!

      منورة المدونه .. وان شاء الله لما تسوين مدونة ارسلي رابطها
      عشان ازورك

      إعجاب

  3. the bast movie
    food,actors,…

    معاك حق ان جوليا لكنتها مرة غريبة بس حلوة اتنمى لو فيه كتاب للوصفا ت الي في الفيلم لانها رووووعه
    وبصراحة جولي اعطتني دافع اني اتحرك لانو بخاطري اعمل مثلها عن جد

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s