ONE PER DAY


فيما كنت اتصفح بعض المدونات اللي احب اتتبعها لفت نظري تدوينتين…

يوميا من مدونة مكتوم

كتبي التي قرأت في عام 2009 من مدونة العزيزة Honey


هالتدوينات تعرضت لاهداف طويلة المدى وتحديد اوقات معينه لها .. بداية ونهاية .. تدوينة هوني عجبتني في اسماء الكتب.. بس بعد ماجمعتها تذكرت الكتب اللي الى الان جديدة من اكثر من شهرين ولا لقيت وقت اقراها .. والاسباب تابهه واقدر اقول انها اعذار اكثر من كونها اسباب

تدوينة مكتوم بما انو قريتها بعد تدوينة هوني حمستني اكثر… يعني فيه اشياء كثيرررررر من هواياتي وقفت عنها .. سواء بسبب دراستي او انشغالي على الصعيد الشخصي او بسبب صحتي اللي خلتني سنة كاملة مااقدر اقوم باي نشاط حتى لو ترفيهي:(


راح احاول احصر الاشياء اللي احب اسويها .. وبعدين نحدد هدف بتدوينه ثانية بما يناسب وقتي وطاقتي..

1- الخياطة والتطريز .. بحكم انو كان عندي مواد كثيرة بدراستي عنهم .. احسهم مريحين نفسيا.. وللاسف مكينتي ضايعه بالمستودع من كثر مانسيتها هناك

2- التريكو.. ممل شوي بس النتيجه دايم تبهرني

3- الاعمال اليدوية.. عندي كتب كثيرة لها .. ومواقع لا تحصى .. بس صرت اتورط في النتائج مدري وين احطها

4- تصاميم الجرافيكس.. بالفترة الاخيرة صار يمر الشهر مافتحت الفوتوشوب.. ماعندي سبب بس مافيه الهام

5- الرسم .. برضو مافيه الهام.. ساعات قدام الورقة واخرتها خرابيش.. عندي افكار للوحه جديدة بس مارحت اشتري الاغراض.. اخاف تخرب مثل اخر علبة الوان كانت عندي

6- القراءة .. اموت فيها .. بس فترة المرض ماكنت اقدر استوعب اللي اقراه وهالشي احبطني وخلاني اوقف عنها .. والى الان مارجعت مااعرف ليه .. مع انو صحتي افضل واستيعابي مارجع مثل اول بس افضل بكثير

7- التصوير.. هوايتي الجديدة اللي حرقت فيها جوالي تصوير .. اي شي اصوره .. بس بشكل اعتباطي.. ودي اركز اكثر على الاساسيات واراقب تطوري.. صوري احسها كومة خرابيش مالها هدف

8- الكتابه.. اعشق الكتابة بكل انواعها .. تحقيق- رواية- خاطرة- قصة قصيرة- مقال…. الخ

الدليل الاكبر تدويناتي.. بس الحين عندي شح كبير… يمكن احيان بس مداخل مواضيعي بالاقلاع.. وتعليقاتي على المواضيع… ابي اركز كتاباتي اكثر واطورها ..


تقريبا هذي هي الاشياء اللي احبها وممكن اني التزم فيها بهدف طويل المدى ..

راح افكر اكثر وبرجع مرة ثانية احدد هدف لي او اثنين بخصوص هالهوايات

Advertisements

6 thoughts on “ONE PER DAY

  1. إن شاء الله تتطور هواياتك ومن أفضل إلى أفضل بإذن الله 🙂 ..

    خاصة أنه اهتماماتك متنوعة ما شاء الله وهالشي نادر عند الناس ..

    إعجاب

    1. الاهتمامات كثيرة .. والوقت قليل للاسف:(

      ان شاء الله اثبت على راي واقدر اقرر ايش
      ابي التزم فيه

      منور المدونة .. ومو عارف قد ايش اسعدني ردك
      خصوصا انو دايم اتابع مدونتك:$

      إعجاب

  2. حلوة الفكرة و الإلتزام بحد ذاته ممتع

    مو شرط يكون بهدف سامي وبقصد كالتطوير مثلا
    مثل الرائعين الذين ذكرهم مكتوم بمدونته ..قد يكون إلحاح داخلي لعمل ذاتي أنت ونفسك فقط تقوم عليه

    انا اقوم على شئ يشبه هذا http://www.al7ayr.com/vb/showthread.php?t=20596 متواضع جدا ولكن ملتزمة فيه لدرجة تجعلني أتعمد السهر احيانا لبدايات الصباح الأولى لأقول صباح الخير
    لدرجة تجعلني أفزع من النوم وأهرع للجهاز لأقول صباح الخير ,,, ههه سايكو
    تحياتي

    إعجاب

    1. تصدقين عجبتني الفكرة ..
      حتى لما دخلت الموضوع .. تحسين باحساس ايجابي
      مع انها بس (صباح الخير)…
      ما شاء الله عليك .. فكرة جديدة وحلوة

      منورة المدونة 😀

      إعجاب

  3. فعلاً اعمال رائعه حتى المتواضع منها
    فكره الانضباط و صقل الاراده كافيه لتكون حافز مقوماً و مطوراً للذات
    انا راح ارجع ان شاء الله للقراءه
    توقفت عنها لأنشغالي بعد الزواج لكن رايحه ارجع لها مره ثانيه بمشيئه الله 🙂

    اعجبتني ايجابيه صاحبه فكره “صباح الخير” لأنو بجد تخلينا نبدأ اليوم بابتسامه و كلمه حلوه تروقنا بقيه اليوم
    و مثل مايقول المثل ” اليوم الأغبر مبين من صباحه” ههههه
    و طبعاً اكيد العكس صحيح هنا لول!
    بس بجد اعجبتني ايجابيتها لدرجه سجلت في الموقع بس عشان اقولها صباح الخير هي كمان و اطلع.. لكن للأسف مادري ليه ما ارسل الموقع لنك او كود تفعيل التسجيل لحد الآن.

    اتمنى التوفيق لكل من تابع مسيره نحو تطوير ذاته و تحيه كبيره لكم 🙂

    إعجاب

    1. يب يب… انا عجبتني افكارهم .. وقراراتهم القوية ..
      الحين لي تقريبا اسبوع اصور كل يوم .. صدق امي
      شوي وتجي تقرا عليّ لانو مو عادتي اصور كثير..
      بس صرت متحمسه .. بالاضافة انو نظرتي توسعت..
      صرت اشوف الاشياء اللي تصلح للتصوير باي مكان
      شارع، مدرسة، ارض فاضية، حتى بالمطبخ:D

      وبرضو صرت انزلها بالديفيان آرت عشان اشوف نظرة
      الناس لها واخذ ارشادات من المحترفين برضو 😀

      منورة المدونة

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s