One Per Day (2)


هذي التدوينة استكمال للي كتبته بالجزء الاول منها  (هنا)


خلال هالاسبوع قضيت اجرب الهوايات اللي عندي وايش الشي اللي اقدر التزم فيه اكثر من اسبوع.. بعض الهوايات كنسلتها لانو ماعندي اغراضها، وحاولت كذا مرة اروح اشتري بس مايكتب الله،وجه يناظر كاندي ويقول ليتها تاخذني معاها لما تنزل السوق.. كود اقدر اشتري، المهم استبعدت الخياطة والتطيرز والتريكو والاعمال اليدوية، وبديت اشوف الاشياء الثانية اللي متوفرة اغراضها عندي

بديت بالقراءة ونزلت تطبيق على الايبود لقراءة المانجا وحملت الاشياء اللي احبها ومتحمسه لها مثل:

– dokuhime

– vampire knight

– kuroshitsuji

– skip beat

– goong

ادري انو متهورة وهذي اشياء كثير عشان اقراها .. بس التحمس ومايسوي..

طبعا بديت اقرا ببعضها وتحمست مع تشابتر او اثنين .. بس المشكلة اللي طلعت لي انو بعد تقريبا 10 صفحات يبدا عقلي يفصل ولا عاد افهم ولا كلمه .. واترك القراءة طول اليوم اجي بكرة القى نفسي مو متحمسه لاني بمر بذات الحالة وبتأثر عليّ باقي اليوم..

بناء على هالشي استبعدت القراءة .. لانو محتاجة تركيزي ببحثي


الشي الثاني اللي حاولت اجربه الرسم .. اكتشفت انو مالي خلق ارسم اي شي.. بالاضافة ان مهارتي تراجعت شوي .. ويبي لي ارجع من اول وجديد بالدروس.. وحسيت انو بدخل بدوامه ومالي خلق فيها


التصميم بالفوتوشوب اكتشفت انو متحمسه كثير له واحب اشتغل عليه بس ما براسي اي فكرة .. امس وانا احوس على التويتات اللي جتني من مواقع تصميم خطر ببالي فكرة انو اطبق الدروس اللي اشوفها .. وبكذا اقدر اصمم بدون مااحتاج الهام او فكرة .. فاعتمدتها


التصوير .. شي حلو وابدا مافيه اي عوائق اني مااخليه مشروعي.. خصوصا اني افكر اشتري كاميرا شبه احترافيه او احترافيه … بكذا اقدر اشوف اذا انا استحق مثل هالهدية او لا


بقى الكتابه .. وصراحه مااقدر اجبر نفسي انو اكتب .. عشان كذا راح احاول انو اكتب تقارير بسيطة عن جوالات او افلام او مسلسلات شفتها ..

وطبعا الكسبان من هالشي منتدى البوكيت




اضفت صفحتين للمدونه للمشروعين اللي راح التزم فيها .. وببدأ بإذن الواحد الاحد مع بداية شهر فبراير ولمدة ثلاث شهور .. وان شاء الله اني اكون قدها ..

بحطيتهم بصفحات مستقله عشان ماحوس المدونة .. وفي حال انتهاء المشروع راح اخفي الصفحتين


طبعا اكيد مااستغني عن التشجيع ، فياليت كل اللي يمر هنا يشجعني

مصدر الصورة
http://jerrycai.deviantart.com/art/Little-Red-Riding-Hood-COLOR-69821882





— –




Advertisements

8 thoughts on “One Per Day (2)

  1. اووه فرووشه قامباتيه ..
    حلو أخذتي خطوة =) ..

    عني بديت بتدوينة كل يوم ، أحاول يومياً أكتب تدوين وحدة ع الأقل ، وبنفس الوقت تكون بالفصحى عشان أسترجع لغتي =) ..

    لاحظت أنك اعتمدتي مجالات كثيره ـ أحسها بتحوسك أكثر مما تفيدك :$ ..

    أهم شي قااامبااتيه ومهما صار اصملي ياقمرة ، ومتابعيكِ من بعيد :$ ..

    إعجاب

    1. اعتمدت الاشياء اللي دايم اسوييها 😀
      التصميم من زمان بخاطري يجيني حماس اجرب الدروس.. وصراحه انحرج من الاشخاص اللي مضافين عندي بالديفيان لما اشوف تحديثاتهم وانا مرة بالسنة ..
      والتصوير استغفر الله كاميرتي دايم بيدي..
      لو انها مو ممنوعه باغلب الاماكن بالرياض كان تلقيني طول الوقت شايلتها معاي..

      ان شاء الله انتج شي افتخر فيه:$

      منورة المدونه

      إعجاب

  2. هوايات حلوة و متنوعة

    بس تعالي ليه الرسم تركتيه 😦 < اقدر الناس اللي ترسم
    تدرين احسن شيء تكتبين الاشياء اللي تسوينها مثلاً هذا الشهر بركز على هواية وحدة و انتج من وراها ..
    او جيبي ورقة و بخط كبير اكتبي (( شهر الرسم )) <مثلا , و علقيها وراء باب غرفتك بحيث كل ماطلعتي و دخلتي تقرينها ..
    < تحسيني مصرة على الرسم 😛

    و بس
    موفقة يختي ^__________^

    إعجاب

    1. الرسم ماتركته .. بس مريت بفترة عارض صحي لمدة سنة تحسنت بالوقت الحالي بس الى الان اي شي يتطلب مني مجهود عقلي او بدني يتعبني…
      لذلك بديت اقلل الاشياء اللي ممكن تتعبني .. واركز على دراستي لاني بخاطري اتخرج هالسنة ..
      وان شاء الله حبة حبه ابدا ارجع لهواياتي لما اكون بكامل صحتي

      ومنورة المدونة

      إعجاب

  3. ما شاء الله عليك ،،

    اول شي الله يوفقك في بحثك ويسهل امورك يارب ،،

    واكثر شي تحمست له التصوير والكام اللي بتشترينها مبروووك مقدما ،،

    وانا حاسه انك راح تبدعين فيها :$

    تقلبي مروري ..

    إعجاب

    1. انا بعد متحمسه .. لدرجة يمكن اصور قبل…
      بس الحمد لله انو اصلا انا مشغولة لدرجة مايمدي
      اسوي اي شي اضافي..

      بس الحمد لله هذا الشهر راح يبدا واكيد راح انزل صوري
      وبكذا اقدر اقرر بخصوص الكام 😀

      منورة المدونة

      إعجاب

  4. يالله شدي الهمه و ورينا ابداعاتك ياعسل :]
    ايش ما يطلع منك اكيد بيكون حلو

    لا تتركينا نتظر كثير 🙂

    إعجاب

    1. بديت بمشروع التصوير… كل يوم صورة او اثنين… تلقينه فوق فيه تاب خاص له
      التصميم للاسف مابعد لقيت الوقت انو اطبق درس:(… الوقت نصه لف على المدارس
      والباقي نوم …
      حالة نومي هاليومين مرة تعيسه

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s