يوميات باحثة ][اليوم الرابع][


اليوم بدايته هادية شوي .. واظن الجو المغيم عطى تأثيره على الاشخاص فمالوا الغالبية للهدوء بعكس الايام اللي كانت دفى… البروده هذي كانت بتخليني اسحب على اليوم وارجع انام .. لذلك لما كنت بطلع من البيت كنت متردده وادور اي سبب يخليني ارجع البيت .. بس الحمد لله انو رحت لان انجزت وبقوة اليوم .

من اول الاشياء اللي ضحكتني اليوم اني اثبت وبقوة انو كنت مشوشه يوم الاربعاء من قل النوم .. لانو مريت من عند مدرسة .. وابو يمتأكد انو حطيت عندهم استبيان .. بس انا احس ذاكرتي ممسوحه بخصوص هالمدرسة .. حتى لما جربت ادخل واحاول اتعرف على الشكل من داخل ماحسيت انو اعرفها بالمرة .. دخلت الادارة واول ماشفت المساعدة تذكرت .. او بالاصح رجعت الذاكرة .. وطلعت معطيتهم استبيان .. للاسف صارت المعلمة ناسيته اليوم ..

اليوم كان هادي جدا لسببين .. الاول انو صرت مااطول بالمدارس عشان اتجنب المشاكل وعشان استفيد وقت اكبر، والسبب الثاني انو هيأت نفسي استقبل اي نوع من المشاكل او الردود لذلك كان مهما الرد اللي يعطوني اياه ابتسم لهم واخلي الموقف طبيعي.. وسارت الامور الحمد لله كويسة

بديت اعتقد انو بعض المشاكل اللي صارت باول ثلاث ايام راجعة لتوتري الداخلي.. رغم اني ابتسمت لهم وتصرفت بهدوء بس داخليا كنت متخوفة ومتوترة .. لانو بدخل اكثر من مدرسة مااعرفها وماادري وش بيقولون واذا بيوافقون .. وهالشي انعكس على ردة فعلهم عليّ، اليوم بعد مااكتسسبت ثقة اكبر صرت انطق الاسطوانه المعتادة بشكل واثق ورصين .. وصارت الاستجابات لي حتى لو كانت بالرفض تكون افضل من الايام السابقة..

الحمد لله قدرنا اليوم نغطي 10 مدارس توزيع و4 مدارس مريت عليهم من الاربعاء..

اول مدرسة كانت مدرسة تحفيظ قرآن .. هالمدرسة تقريبا انطردت منها بأدب ، لانو من اول ماشافتني كانت تناظر بعبايتي وتحاول تشوف ايش انا لابسة تحتها .. بس صراحه ماالومها خصوصا انهم مدرسة تحفيظ قرآن واعتبر عندهم شي عظيم عموما اللي ماخلاني اتضايق انو اسلوبها كان جدا رائع .. وعبرت عن اللي تبيه بطريقة مؤدبة .. لذلك سايرتها وعطيتها اللي تبي، وهي شكلها انبسطت انو فهمتها بسرعه .. لان علامات الارتياح بانت على وجهها… الحلو بهالمدرسة انو مابضطر امر عليهم بكرة .. لانها بتحط الاوراق عند الحارس

باقي المدارس ماكان فيها شي مميز… استلموا الاستبيان بسرعه .. واللي صادفت طالباتهم طالعين من الاختبار خزوني خز من راسي لرجولي.. مااعرف ايش هالشي اللي يخلينا من يومنا صغار نبحلق بالناس بطريقة غير مؤدبة وغير مهذبه بالمرة .. حتى بعد ماركزت نظري على عيونهم قليل منهم اللي انحرجوا.. كانوا يحسون انو حق من حقوقهم انو يناظروني بهالطريقة والمفروض مااعترض ابدا…

غير البحلقة لفت نظري بعض الاشياء.. منها التعقيدات عند الدخول للمدرسة .. انا مارفض انو الحارس يسألني وش عندي جاية لانو من حقه يعرف من يدخل للمدرسة … بس استغرب التحقيق من انتي ومن وين ووش عندك ومن رايحه له ووش بتسوين …؟

على هالحالة الافضل يحطون كاونتر عند الباب يسجل كل المعلومات وبعدين ممكن يرفضون او يقبلون دخولك… لانو شي مرهق هالشي… خصوصا انو لما اقول للحراس اني باحثة مايستوعبون معنى الكلمة .. واجلس ادور مفردة ثانية يقدرون يفهمونها … ما ضايقني هالشي مرة بس حسيت انو لازم فيه طريقة ثانية افضل من اجل هالشي.

الشي الثاني اللي ضايقني الروتين الغبي اللي متمسكين فيه بعض المديرات .. وحدة من المدارس لما رحت لها رفضت (تسهل مهمتي) بسبب غبي وتافهه.. انو خطابي طالع من ادارة التعليم .. وهي ماتقبل اي خطاب الا من مركز التوجيه التابعه له …!! طيب الحين مو مكتبت اللي انتي رازته مو ادارة فرعية من الادارة الاساسية اللي هي ادارة التعليم؟؟ او بس لمجرد انو عقلها متحنط ماتقدر تشغله حبتين وتستوعب هالشي؟؟!

ولما سألتها عن السبب قالت انو صارت لها مشاكل لما قبلت خطاب من ادارة التعليم .. عشان كذا ماتقبل اي خطاب الا من مركز التوجية ..

انا كنت بترك هالمدرسة ولا بحطها ببالي.. بس قابلت مدرسة ثانية رفضت لذات السبب وطلبت ذات الشي.. والمشكلة انو حددت لي وحدة بمكتب التوجيه الفرعي اروح لها عشان تسهل مهمتي… صراحه وقتها كنت افكر انو اذا جبت خطاب موقع عليه شخص غير هذي اللي قالت لي عنها بترفض خطابي او لا؟؟

وتحججت انو جايبة لها صورة وهي تبي الاصل..! مع العلم ان الاصل تحفظا عليه ادارة التعليم ورفضوا يعطوني اياه.. مع انو يحق لي بالاصل من الخطاب وهم اللي يحتفظون بالصورة منه ..

شكلوا راح اروح الاسبوع الجاي او نهاية هالاسبوع لادارة التعليم مرة ثانية نشوف حل بهالمشاكل اللي صارت لي بسبب خطابهم ..

برضو فيه مدرستين مرينا عليها .. الموقع ذات اللي بالكروكي بس للاسف يبدو ان المدرسة انتقلت .. بدون اي خبر او تعديل على المدرسة او على الكروكي.. صراحه استغرب انو ادارة التعليم ماحدثت الكروكيات وشالت الاشياء اللي انتقلت او تغير موقعها.. بمناسبة الحديث عن الكروكيات .. الصورة في بداية الموضوع هي للفائض من الكروكيات بعد مارتبها .. اغلب هذولي مكررة او غير واضح الرسم او عبارة عن طلاسم ماادري وش هدفها .

وبعد هاللفة والتوزيع رجعت ولميت استبياناتي اللي وزعتها يوم الاربعاء.. الظريف بالامر انو لما رجعنا للمدارس اللي من الاربعاء كانت الساعة 9 الصبح .. وكان على الطريق مطعم الشواية .. واشوفه حاط دجاج بالشواية يشويه!!

حسيتوا مرة بدري على فترة الغدا.. الا لو انه بياخذ الدجاج على الشواية ساعتين او حولها بيكون له عذر….. بس بجد استغربت من هالدجاج….

ما يستفاد من اليوم واليوم اللي قبله:

– بعض المديرات متمسكين بالروتين بدون مايتعبون نفسهم يفكرون شوي.

– تحتاج ادارة التعليم لاعادة النظر بكمية الكروكيات اللي عندهم وترتيبها وفرزها وتصنيفها بالاضافة الى تحديثها .. ولا يمنع من انهم يستعينون بقوقل ايرث عشان يحددون المواقع .. خصوصا ان صوره مرة جديدة وسهل انو تتبعها من رسمه غريبة محدد عليها اسماء محلات احتمال انها ماتكون موجودة بعد سنة.

– الحريم فاشلات برسم الكروكيات .. الا من رحم ربي

– نحتاج اعادة نظل بتربيتنا لابناتنا والسلوكيات اللي يتبعونها، بالاضافة الى اعادة النظر بسلوكيات المديرات والمدرسات .. وصراحه اطالب بفحص نفسي واجتماعي لهم كل سنتين او سنة ونص..

Advertisements

5 thoughts on “يوميات باحثة ][اليوم الرابع][

  1. هههههه حلوه كاونتر عند الباب.. عجبتني
    انتي عارفه ايش المشكله؟
    يجي للمدرسه حريم اللي تقول انها ام طالبه و تطلع مندوبه شركه، و اللي تقول انها باحثه و تطلع زائره..و اللي .. و اللي
    و لما يدخلهم الحارس تجي المشكله على راسه،
    وحده جات للمدرسه اللي امي مديرتها قبل سنه، سألها الحارس من تكون و قالت انها ام طالبه و دخلها طبعاً.. شوي و طلعت و معاها بنت على انها استأذنت لبنتها.
    المدرسه ابتدائيه، و مادري كيف الحارس شك انو فيه حاجه غلط فاتصل على الاداره و قالهم
    قالت له امي رجعها بسرعه و دخل البنت
    طلعت الحرمه ما مرت الاداره و على طول سألت مدرسه ماره وين الفصل الفلاني و راحت له و طلبت البنت بالاسم.. و مو هذي المشكله.. البنت مو بنتها ولا تصير لها!!! و لحد الآن مايدرون مين ذيك الحرمه
    يعني خطف عيني عينك في وضح النهار
    والبنت مسكينه في اولى مادرت وين ربي حاطها
    اول ما مسك الحارس يد البنت و قال لازم تدخل تركتها الحرمه و ركضت لسيارتها و مشت..
    لكن بجد تحصل حاجات كثيره و يطيح الحارس بمشكله مع الاداره.. فما ألومهم على حرصهم الزيد في بعض الأحيان..
    لكن هذا ما يمنع انو يلاقوا طريقه افضل تختصر الوقت للطرفين 🙂

    اما من ناحيه الكروكيات فأنا معاك ميه الميه، المفروض القسم الرجالي يتكفل فيه لأنو هم اللي يسوقون و يعرفون الشوارع اكثر.

    هذا اللي عندي للآن
    يسلموا و انتظر جديدك ياعسل 🙂

    إعجاب

    1. سالفة الخطف تخووووووف…
      الحين فهمت حركة سوتها وحدة من المديرات .. كتبت على اذن الخروج (شخص واحد)… بس قلت زيادة حرص ماالومها .. بس بجد حاجات تخوف:(

      الكروكيات الى اليوم معاناه البحث عن مدارس.. والمضحك نكون ندور وحدة ونطيح بوحدة ثانية اصلا ماعندنا كروكي لها .. بس الحمد لله ربي موفقنا قدرت الف اشياء كثير

      ومنورة كل ابو دايم المدونة

      إعجاب

  2. اكثر شي ضحكني فحص نفسي واجتماعي 🙂
    خليها على الله ماتدرين تسدين من وين وتخر من وين
    المشكلة صدق الروتين
    يعطل اشياء كثيرررر
    والمشكلة الاكبر ان مافيه تواصل الا عن طريق الفاكس والتلفون
    الفاكس طبعا مايتوفر في كل مكان والتلفون انسي ان احد يرد عليك
    ليه مايصير فيه شبكة انترنت بين الدوائر بينها وبين بعض وبين الافراد
    مو معقولة كل اشغالك تقضينها بالحضور شخصيا؟
    كم ساعة تضيع منك باليوم علشان معاملات ومراجعات؟
    ولاحظي ان محد يطالع فيك قبل لايمر ساعة على بداية الدوام وانسي ان احد يشوف لك شغلك اذا بقى على نهاية الدوام ساعة هذا غير بريك الغدا والصلاة!
    فعليا ثلث دوام الواحد مايشتغل فيه ولو ينقص من راتبه اقل من الثلث يزعل
    محتاجين نشوف لنا حل في هالروتين خصوصا ان الرياض كبيرررررررررة وش تلحقين ووش تخلين والشوارع صارت على مدار اليوم زحمة
    مدري وش فيني جبت الاولي والتالي 🙂
    بس كلامك جابها على الجرح وتفاعلت :d

    الله يعطيك العافية ويسخر لك

    إعجاب

  3. اعجبتني يومياتك وتحمست معك
    ربي يوفقك ببحثك وتكون المدارس الجايه احسن من اللي قابلتيها
    امي كانت مدرسه فنيه تبغيني اخليها تعبي لك هههههه

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s