Best apps for ipod || أفضل البرامج للأيبود

اتجاه جديد راح اتبعه بمدونتي هالفترة . بما أننا اجازات والبعض عندهم ايبود تتش او جاهم هدية نجاح لابد البعض يفكر بالالعاب والبرامج المناسبة له ..

كل فترة راح ادرج افضل 10 برامج جربتها واستفدت منها بشكل كبير.

يمكن اول تدوينة بهالخصوص تكون شوي مملة لأن اغلب البرامج اعتيادية .. لكن آمل انو بالمرات الجاية تكون البرامج جديدة وأفضل:D

1-iAzkar

البرنامج فيه بعض الاذكار المستخدمة دائما، مثل اذكار الصباح والمساء، اذكار بعد الصلاة

ومرتبه بطريقة سهله ومبسطة

البرنامج مجاني في الستور

2- حصن المسلم

كتاب حصن المسلم لكن في جيبك. فيه كل الادعية والتصنيفات

حبيت البرنامج كثير لانه اغناني اشيل حصن المسلم معي، صار هذا

دايم معاي لحظة بلحظة

البرنامج مجاني في الستور

3- iPray

برنامج رهيب، يعطيك وقت الصلاة حسب المنطقة اللي انت فيها، بالمجاني

تقدر تضيف تنبية لمدينتين فقط، بالمدفوع تقدر تضيف اكثر من مدينة، برضو

فيه تنبيه لوقت الصلاة، وممكن اضافة تنبيهات ثانية

البرنامج فيه منه نوعين، مجاني بمميزات محدودة .. ومدفوع بـ 3.99 دولار

لكن انا استخدم المجانية ولا حسيت بحاجة اشتري المدفوعة

4- Awesone aNote

هذا البرنامج عبارة عن مفكرة الكترونية، ينفع للاشخاص المنظمين جدا

الحلو في هذي المفكرة واللي يميزها عن الباقي هو التصنيفات.. فيه تابات

لكل مهمة، سواء عمل او عطله او قائمة تسوق… الخ

طبعا اقدر اغير الخلفيات والالوان، واضيف وقت محدد لانجاز المهمة

واقدر احط عليها تشيك بعد الانجاز

العيب في النسخه المجانية انو فيه عدد محدد من المهمات ، لكن بالمدفوعة

عدد لا نهائي منها

فيه نسخه مجانية في الستور ونسخه ثانية بـ تقريبا 4 دولار.. شيكت الستور لقيتهم شايلين

المدفوعة مدري ليه 😦 مع اني ارشح المدفوعة وبقوة

5- TwitBird

برنامج للتويتر، حبيت طريقته في عرض التويتات، بطريقة بوكس محادثة تذكرني بالمانجا

برضو يعرض لي الصورة ، ولو احد مسوي ريبلي لاحد يطلع لي ايش المحادثة اللي كانت

بينهم. برضو يطلع لي التسلسل للربلي اللي بيني وبين شخص ما في التويتر، اقدر اضيف صور

او فيديو او تحديد موقع

فيه برامج كثير لكن انا افضل هذا البرنامج .. وافضل نسخه البرو على المجانية

فيه نسخه مجانية في الستور ونسخه مدفوعة بـ 1.99 دولار ونسخه ثانية بـ 4.99 دولار

انا افضل المدفوعة

6- PandoraBox

برنامج يعطي كل يوم تفصيل للبرامج اللي عليها سيل في الابل ستور او صارت مجانية

ومو محدد بتصنيف معين، كل التصنيفات يعطيك اياها، ولو اخترت تحمل البرنامج يفتح

لك الابل ستور تحمل منه

البرنامج مجاني

7- FreeAppADay

برنامج يعطي كذا برنامج صار مجاني باليوم ، وبرضو بعض البرامج اللي

راح تصير مجانية بالفترة الجاية .. نفس اللي قبله بس هذا اقل برامج

البرنامج مجاني بالستور

8- iWallpapers

ابطل برنامج للخلفيات، صراحه من بعده بطلت ادور خلفيات في النت

البرنامج له اكثر من تصنيف، وعدد لا نهائي من الخلفيات، وكل فترة

تتحدث، ويقدر الواحد يسجل عندهم ويرفع خلفياته، بس صراحه ماجربت

فيه برضو نسخه ثانية منه لخلفيات HD..

كل البرنامجين مجانية بالستور

9- MangaDL

برنامج خاص للي يحبون المانجا .. يتصل بموقع مانجا فوكس+ ون مانجا

ويتيح للواحد يحمل المانجا اللي يبيها ويختار اي تشابتر ، وتنحفظ في الايبود

وممكن يقراها باي وقت بدون مايكون عنده انترنت

مافيه الا مدفوعة بـ 2.99 دولار

10-Wattpad

البرنامج هذا برضو بطل.. يتيح لك تقرا كتب عربي بطريقة حلوة .. تتحكم فيها بالخط

وسرعة حركة النص. ادري تقولون وش الجديد.. الجديد انو لما تسجلون بالموقع

تقدرون ترفعون أي نص عندكم بصيغة TXT وتروحون تحملونها في الايبود .. وتقرونها بروقان

طبعا مابقى اي شي مكتوب بالنت ابي اقراه مارفعته ورجعت احمله .. لان مرة حركة رايقة

وتوسع الصدر

البرنامج مجاني بالستور

طبعا ان شاء الله راح انزل اكثر من تدوينة كل فترة عن البرامج

مصدر الصورة

http://www.flickr.com/photos/yiph/3056624185/