cup of coffee


https://i0.wp.com/www.mayyar.com/album/data/media/31/triple_coffee.jpg

ما اخفيكم حبي وادماني للقهوة ، ببداية رمضان كنت انا ووحدة من البنات نعاني من اثار الادمان من صداع وحركات بايخه، وكلام يجر كلام دلتنا وحدة من البنات بالمنتدى لى طريقة جديدة للقهوة نسويها بدون مكاين وحوسه عن طريق French Press

وهذي صورته

انا شفت في تافولا تقريبا نص اللي عندي وكان سعره 150 ريالز. هذا اختي شاريته من ايكيا ومااعرف بصراحه بكم.

طريقة عمل القهوة بـ French Press . انا كنت بسوي كوب صغير اكبر من كوب القهوة التركية بشوي لذلك مقاديري قليلة .. ممكن انتوا تزيدونها حسب الحاجة.

موية مغليه، ملعقة صغيرة ونص قهوة مجروشة ناعم (ممكن تاخذونها من الرفاعي)

تحطونها داخل ابريق French Press وتغطونه وتتأكدون ان الذراع بالغطا مرفوعه لاعلى شي

تتركونه بالابريق من دقيقتين الى ثلاث دقايق..

بهالوقت انتوا تسلوا باي شي.. وعموما ماراح يمدي لانها لحظة وبتمشي الدقايق

صورت قبل تخلص 3 دقايق لاني ابي اجهز الاشياء الثانية

خلصت ثلاث دقايق جيبوا الكوب اللي راح تشربون فيه .. ماراح نصب القهوة على طول فيه.. راح نسوي حركة اول عشان نصفي القهوة

شايفين الذراع اللي تأكدنا بالاول انها مرفوعه؟. الحين راح ننزلها عشان تصفي

شوفوا كيف القهوة فيها شوائب من ذات القهوة اللي حطيناها .. اول ماننزل الذراع تتصفى مثل كذا

تصفت الحين القهوة وكل الشوائب انحبست بأسفل الابريق.

نصبها بالكوب ونستمتع بالطعم اللي يعدل الراس. بلا نسكافه بلا هم

وممكن نضيف عليها سكر وشوي حليب بعد مانحطها بالكوب

وبالعافية على قلوبكم

فيديو يوتيوب للطريقة بشكل اوضح

Advertisements

16 thoughts on “cup of coffee

  1. شكـل الآلة جيدة والله ❤ ..
    بوصي أمي عليها بما إنها في الريااز كود نجربها وتفك الصداع المزمن هذا ~~~
    فروش تشوان ❤ ..~
    قامبري ❤ ❤ ❤

    إعجاب

  2. اه على منظر القهوة اخر ششي .. احس الريحة دخلت بخشمي خخخ
    ان شاء الله حشتري هالجهاز يفك ازمات الصداع معاي xd

    إعجاب

    1. هو بس المنظر، الريحه والنكهه، بغيت اصلا اشربها بدون حليب بس خفت على معدتي تحترق اكثر مما هل محترقة XD
      والى الان احس بالاثر الخرافي للقهوة بجسمي..

      بالعافية مقدما

      إعجاب

  3. ماشاء الله شكلها يشهي وسهله جدا 3>
    بس أنا حاطه عيني على آلة تطحن القهوة وتغليها وتخلطها بالحليب في وقت واحد
    يعني تناسب شخصي الكريم خخخخخخ

    إعجاب

    1. خخخخخخخخخخخخخخ
      الله يهديك قمة السودنة الآله اللي تبينها
      انا عندي اله تسوي لي الاسبرسو وتخفق الحليب زي الكابتشينو
      بس تنظيفها عله.. ولما اجي بروح الدوام انواع الجوسة الصبح لدرجة احيان افضل اشرب شاهي على اني اسوي فيها XD.. عشان كذا هالطريقة عجبتني . اقل مواعين+ سريعه بالوقت
      خصوصا اني انا يطق فيني عرق اذا جى وقت طلعتي وانا مو خالصة .. عادي عندي اطلع ماافطرت ولا يجلسون يضربون لي بواري بالسيارة لاني تأخرت -_-

      إعجاب

    1. اذا جربتيها عطينا رايك فيها .. انا مرة عجبتني واحس اللي يحبون القهوة القوية بيحبون هالطريقة .. خصوصا انها صحصحتني امس بقوة

      إعجاب

  4. هههههههه
    عارفه واجهت مشكلة برمضان ، متعودين إنو كل جمعه في بريطانيا نجتمع بعد الصلاة في كوستا
    فبرمضان نمر من جنبه والحسرة تملأ قلوبنا

    الآن طيحوني الربع بـ الشاهي البريطاني ، بصراحه عندهم كواليتي عالي

    تحية ..

    إعجاب

  5. موجودة عند ستاربكس ب90 وفي اكبر وسعرها أعلى بس مااتذكره

    غلطتي خليتهم يطحنون القهوة ناعمة مررة بس مااثر بالطعم كثير

    عوافي (f)

    إعجاب

    1. الله يعافي قلبك
      القهوة اللي عندي كانت شوي خشنة لانها تبع مكينة الكابتشينو.. فريحتني من هم نزله الرفاعي .. مفكرة اول ماتخلص اللي عندي امر اشتري انواع مختلفة

      إعجاب

  6. ششكلهآ فلـه..

    ع ـآد أنـآ من عششآق القهوه..

    إن شآء الله القآهآ واشتريها..:P

    يعطيك العاافيه..ويحفظك ربي خيتوو..

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s