❞ أفطر الصبح زيتونه وأروح المدرسة مزيونه ❝


بعد تدوينة طالبات الجامعة جتني انواع الاحتجاجات من خواتيyapyapyapf.gif : 31 par 20 pixels... لانهم بالمتوسط ويبون شي يناسبهم .. وطبعا كل محاولاتي لاقناعهم باءت بالفشل، فكان لابد اني اسوي تدوينة عن لبس المدرسة .. هالتدوينة بتكون للمتوسط والثانوي .. واكيد اهداء لموشا وبوشا .. اتمنى الكل يستفيد منهاloveshower.gif : 42 par 39 pixels.

بالمتوسط والثانوي تغلط الطالبة لما تلبس وتتصرف مثل البنت البالغةnonosmiley.gif : 33 par 41 pixels.، وبكذا تحرم نفسها من متع كثيرة، ميزة المراهقة انو احيان تكوني طفلة واحيان تكوني شخص بالغ، فالافضل ماتنحازي لاي جنب وتكوني بالنص، تصرفي بطيش، بحماس، بمتعه، وعيشي الحياة بكل ألوانها بدون تردد

بس فيه اشياء المفروض الواحد يتقيد فيها في المدرسة وما يتجاوزها، لان مدارسنا مو مثل مدارس برا فري، عندنا قوانين مدري وش تبيrolleye.gif : 19 par 18 pixels.، وبعض المدارس باليهم ربي بمديره ومساعدة مخلين القوانين اصعب من الواقعfurious.gif : 60 par 42 pixels.

  • انتي رايحه مدرسة  في الصباح لذلك نحاول نكون سمبل بكل شي اول شي عشان المدرسة، وثانيا عشان انو دوامنا صباحي.

  • جونا جدا حار لذلك من الافضل انك تهتمي بنظافتك واستخدام مزيل رائحه العرق، المزيل حده يوم ونص – يومين لذلك من الافضل ماتسحبين عليه 3-5 ايام . ننتبه انو نشتري مزيل الرائحه مو مزيل العرق، لان الثاني ممكن يسبب سرطان لا سمح الله. اذا عندك فرط تعرق ومضايقك ممكن تروحين اي عيادة يعطونك حلول طبية وآمنه لهالمشكلة.

  • من يوصل شعرك تحت اكتافك لو بـ 1سم خلاص لا عاد تفكينه كله، لان مهما سويتي فيه بيكون شعرك كأنك رايحه عرس.

  • الشنطة شي اساسي بالمدرسة لان فيها كتبك ودفاترك واقلامك وعبايتك وبعض الملحقات، فلما تاخذين شنطة صغيرة ماتكفي الاكتابين وترمين عبايتك بالممرات عشان شنطتك صغيرة ابدااااا شكلك مو مقبول، كل من بيشوف شنطتك بيقول (على بالها تبي تكشخ) او ممكن يقولون (توها شاريتها وتبي تكشخ فيها) قليل اللي راح يمدحون شنطتك الصغيرة، وصراحه معاهم حق.. لانها مو شنطة مدرسة.

  • المكياج المقبول بالمدرسة:

    • ماسكارا يوميه، وتأكدوا لما تشترونها انها يوميه ، فهي تعطيك شكل حلو بدون ما يلاحظ اللي قدامك انك حاطة شي برموشك، وممكن تستخدمي ماسكارا شفافه.

    • الروج استخدمي الارواج اللي على قلوس مثل نيفيا، وممكن تكتفين بالقلوس لان شكله حلو. الارواج اللي على احمر او بنك او ايا كانت الدرجة مو مناسبة لعمرك في المتوسط وبالثانوي بتكون اوفر على المدرسة .

    • البلشر كثير مايهتمون فيه لكنه مهم ، يعطيك خدود موردة وشكلك يكون رايق، استخدموا الالوان الوردية الفاتحه، بالنسبة للسمرا تقدر تستخدم العنابي الفاتح.. المهم انو اللي يشوفها مايحس انها حاطة بلشر.. شي خفيف.

    • اخر شي الكحل ممكن تستخدمينه داخل العين باي لون تبين ، اسود ، اخضر، ازرق، ابيض، رمادي.. كلها مقبوله بالصبح. لكن مانستخدم الكحل السائل.

  • الاكسسوار:

    • حلو تلبسين حلق ناعم او اللي شكله زي الحلقة. مو مقبول ابدا الحلق اللي نازل من الاذن بشكل طويل .

    • السلاسل هالموسم تكون سلسلة ومعلق عليها شكل صغير نااااعم، وممكن شريطة. تلقون هالستايلات في اكسسوريز بكثرة.

    • الاساور لكم الحرية تبدعون فيها وتلبسون اي عدد، لان حلاة المراهقة بأساورها الكثيرة.

  • الشوزات نحاول انها تكون مريحه، بغض النظر عن الموديل تأكدي ان شوزك مريح بالمشي. لما تجون تشترون البسوا الفردتين بالمحل وامشي فيها شوي عشان تتأكدين انها مريحه. ابعدوا عن الاشكال اللي تناسب السهرات اكثر.

  • موديلات المراييل من الافضل انكم تاخذون تفاصيل صغيرة من الموديلات العامة، لكن اهم شي ان المريول مايصير مزحوم بالتفاصيل، او يكون ضيق مرة لدرجة ماتقدرين تتحركين .

هذي بشكل عام، الحين بتكلم بشكل خاص عن فصل الخريف والشتاءhostlov.gif : 44 par 55 pixels..

بخصوص الصبغات والقصات والالوان الدارجه هالموسم ممكن تشيكون هالتدوينة .. ماله داعي اعيد الكلامgaah.gif : 37 par 41 pixels.

الشعر:

ماراح اتكلم عن الالوان .. راح اتكلم عن اكثر ستايلات الشعر خلال فترة الخريف

https://i2.wp.com/i52.tinypic.com/245lls1.jpg

الكعكه المرتفعه .. اول مرة شفتها كان بالدرامات اليابانية .. بس بدوا المشاهير يعتمدونها بأكثر من شكل وستايل.. ممكن تكون منفوخه مثل اول وحدة يمين، ويمكن مع قصة وممكن تكون ناعمه ومرتبه مثل الصورة الثالثة من اليمين

https://i2.wp.com/i55.tinypic.com/14j3yqa.jpg https://i1.wp.com/i56.tinypic.com/29ktbft.jpg

كعكه بستايل ياباني… هنا حبيتها لانها منفوخه حيل وفيها وردة .. عاد انتوا لا تحطون ورد لان الربيع خلص.. ممكن اي اكسسوار ثاني. الموديل الثاني يسار الكعكه جانبية والشعر نص مضفوف.. بس حلوة ورايقة بالايام الباردة icecubesmiley.gif : 52 par 42 pixels... لان وقت الحر مااتوقع فيه بنت بتتحمل شعرها على رقبتها

https://i0.wp.com/i56.tinypic.com/b3jslx.jpg

كعكه يابانية ثانية بس بستايل مختلف.. الشعر مبعثر من حولها .. انا حبيت هذي اكثر من الاولى.. لان فيها شوي حياة .. اللي قبل حسيت كل شعره لاصقة باللي جنبها كأنهم بالعسكرية

https://i0.wp.com/i51.tinypic.com/o8xyeb.jpg

ذيل الحصان مازال متربع على القمة للي شعرهم طويل، شوفوا اخر صورة يسار، حبيت الشكل المبعثر.. بس شكل تمشيطة بعدين عذااااااااااب

الصورة الثانية على اليسار برضو غريبة وحلوة… ماعرفت تحت اي تصنيف تندرج

https://i0.wp.com/i54.tinypic.com/25ssnwk.jpg

الجدايل هالموسم ظهرت بشكلين .. الاول تكون من قدام ومايلة.. شكلها مرة رايق وتبان اكثر بالشعر المخصل.. لكن حتى لو لون شعرك واحد بتكون مرة حلوة

https://i1.wp.com/i54.tinypic.com/2vs3r50.jpg

النوع الثاني من الجدايل تكون جانبية ومنفوخه شوي .. اول وحدة يمين مو مبين النفخه .. لكن الثانية واضحه زين .. اخر صورة على اليسار مثل فكرة الجدايل بالاول لكن منفوخه شوي ومستمرة للخلف، حلو تجربونها للمدرسة لكن طبعا مع ربط الشعر

https://i2.wp.com/i53.tinypic.com/2wgrx35.jpg

هذي التسريحه اسمها تسريحه البانانا – الموزة- وراجعه بقوة هالفصل سواء سهرات او صباحي.. بالصورة مرتبينها على اساس تناسب صباحي..

https://i1.wp.com/i51.tinypic.com/14ay0cl.jpg

الشعر القصير للأسف مالقيت لكم تسريحات كثير الا هذي.. وطبعا فيها الشكل العام لتسريحات الخريف والشتاء وهي ان الشعر يكون على جنب.. حلو شكلها وستايل

اكسسوارات الشعر:

بالموسم الماضي الناس هبوا هبة مو طبيعيه بالاطواق بسبب مسلسل قوسب قيرلboredsmiley.gif : 33 par 19 pixels... هالموسم كل الاطواق اختفت عدا نوع واحد بس:

https://i0.wp.com/i52.tinypic.com/1z495qd.jpg

اللي ماعندها مثل هالنوع خلاص ترفع كل اطواقها وتطلع الربطات.. لان بالخريف والشتاء راح نلبس الربطات بأكثر من شكل

https://i1.wp.com/i51.tinypic.com/j9a5xc.jpg

شوفوا الصور حاطين الربطه باي شكل، سواء الشعر ملفوف مثل الكعكه او مربوط او متروك على حريته .. وكلها حلوة وتناسب الصبح، بس حاولوا تتجنبون الربطات اللي فيها كرستال .. لانها ابدا مو مناسبة للصبح

https://i0.wp.com/i51.tinypic.com/21osrcm.jpg

هنا الربطة حسيتها احلى .. لان الشعر مبعثر باليسار.. اليمين استمرار للستايل اللي طلع بنهاية الصيف وكثير شفنا فنانين مسوينه .. بالصيف سووه بربطات الجلد المجدوله ، بالخريف تقدرين تسوينه بالربطات العادية او الشرائط الناعمه

الاحذية:

مدرسة وراح تمشون كثير وطول اليوم لابسين الشوز فلازم تكون مريحه، وطبعا مدارسنا ماتعطي الطالبات اي حرية بالكعب لذلك كل شوزاتهم واطيه .. بيني وبينكم اريح لكم وبتقدرون هالشي لما تكبرون وتصيرون مضطرين للكعبflexibel.gif : 19 par 27 pixels.

https://i1.wp.com/i56.tinypic.com/10onodj.jpg

اول ستايل لهالفصل الكونفرس او الـ اول ستار -اسم الماركة- .. راح يكون ستايل هالفصل فيه بعض الستراس او الاضافات الحديديه، او تكون من قماش ثقيل يذكرنا بالقماشات الكاروهات الصغيرة البريطانية، وبتكون غالبا برقبه مثل البوت، لكن للي مايفضل النوع اللي برقبه ممكن ياخذ النوع الكلاسيك العادية بألوان مو فاقعه، تكون الوان قوية بدون توهج الفسفوري. لاحظوا اخر ثنتين يسار، احمر واصفر لكن اللون مرة هادي.. هذا هو ستايل خريف وشتاء بهالنوع من الشوز.

https://i1.wp.com/i52.tinypic.com/qs06bm.jpg

النوع الثاني بين الفلات والستايل الرياضي، الشوز اللي بالاسفل هذي كثير وماليه السوق تقليد وأصلي، لكن الفكرة الاساسية فيها أن هذا النوع طبي ومريح للرجل، لكن طلع عليه تقليد كثير، فانتبهوا ان الشوز تكون مريحه مو شكل على الفاضي. الموديلين بأعلى الصورة ظهروا من سنة تقريبا واختفوا، هالفصل رجعوا بسبب أن بعض المشاهير لبسوه ، فأنضم لقائمة شوزات خريف وشتاء2010

https://i2.wp.com/i53.tinypic.com/25gwihd.jpg

الفلات… هالفصل بيكون مزين بالشرائط الكبيرة والصغيرة والمتوسطة، بالاضافة لبعض الاشكال من السحاب.. من لفتي هاليومين بالسوق شفت بعض المحلات موفرته .. لكن لسى مابعد انتشر بقوة بالسوق

https://i0.wp.com/i55.tinypic.com/28mo5si.jpg

شايفين هالشوز اللي طاحوا فيه الخلق وصرنا نلقاه بكل الاسعار حتى الهرم صار يبيعه؟؟

خلاص نظفوه وحطوه بعلبه وارفعوهlaugh3.gif : 28 par 24 pixels.، لانه ابدا مو ستايل هالموسم، شوزات القماش تغيرت وراح تكون قريبة من هالاشكال

https://i0.wp.com/i55.tinypic.com/i2t4z7.jpg

راح تكون مثل اول وحدة يمين فوق.. واذا مرتاحين تلبسون نفس الستايل القديم اختاروا اللون ابيض ومرسوم عليه، لكن الرسمة هالمرة مو مثل الموسم السابق، راح تكون الرسوم لكل شوز مختلفة عن بعض، واحيان لما تحطونهم جنب بعض تكون الرسمة متصله بين الشوزين

https://i2.wp.com/i54.tinypic.com/2pz9r3t.jpg

الرسمات اللي زي كذا خلاص مو مقبوله هالموسم .. مثل ماقلت فوق لازم يكون فيه اختلاف بين الرسمتين .. عادي بتحسون بالغرابة اول مرة تلبسونها كأنكم لابسين فردتين مختلفتين .. لكن ممكن تخلون الرسمة سمبل وبتتعودون

https://i2.wp.com/i56.tinypic.com/2ldxbhf.jpg

الشرابات راجعه بقوة هالموسم، لكن مو بالطول القصير، لازم تكون طويلة للركبة او تحتها او فوقها بشوي، حتى فيه بعض المصممين نزلوها مع الصنادل، شكلها مو مرة بس حلوة على الابوات .. طبعا انتوا محد بيشوف رجولكم من هالمراييل فحلو تاخذون شرابات لنص الساق، نفس ستايل الموسم وبتكون مريحه لكم. شرابات الصباح المفروض تكون ثقيلة نفس الصورة .. نبعد عن الشفافهnonosmiley.gif : 33 par 41 pixels.، ادري اننا صيف لكن الشرابات الشفافه هالموسم بتكون مسائية فقط .

https://i2.wp.com/i54.tinypic.com/143dslw.jpg

للي مو حابين يلبسون شرابات يقدرون يلبسون هالشي، صراحه مااذكر اسمه بس شفته كثير بالشتاء الماضي ولا كان عليه اقبال، لكن هالسنة راجع بقوة مع الشوزات الربع بوت او المغطيه بالكامل. اهم نصيحه للي راح تعتمد هالستايل انو ترفع القطعه شوي عن الارض عشان ماتتوسخ وتخرب، وحاولوا تاخذون نوع مو زحمه زي الصورة عشان يناسب مع المريول الطويل.

الشنط:

شنط هالموسم للمدارس ماتغيرت كثير، واعتمدوا تصاميم شنط الماسنجر والشنط الخلفية المايله على سبور واقمشة الجيش الثقيله.. لكن فيه بعض المصممين ركزوا على بعض الموديلات بشكل اكبر لهالموسم:

https://i2.wp.com/i53.tinypic.com/23hk4kz.jpg

شنط فيها تدخيلات من الصوف سواء كقماش (يمين) او كتريكو (يسار). هالشنط حلوة لكن اللي ناوية تستخدمها تنتظر شوي لين يبرد الجو اكثر، لان الحين شكلها بس يجيب الحر.

https://i2.wp.com/i51.tinypic.com/fdc9dx.jpg

هذا شكل شنط الظهر اللي سائدة بفترة الخريف والشتاء.. تكون مثل الكيس وتقفيلها عن طريق الربط… وممكن تنشال على الظهر او على جنب… اذا ماخانتني الذاكرة اذكر وقت ماكنت بالمتوسط كانت دارجه هالشنط بقوةlaugh3.gif : 28 par 24 pixels.

https://i2.wp.com/i52.tinypic.com/2mah75.jpg

شكل ثاني لها يتقفل من فوق بنفس الفكرة لكن مو نفس الطريقة.

https://i2.wp.com/i55.tinypic.com/w02ed5.jpg

شكل اضافي لشنطة الظهر، نلاحظ انها مربعه وتشبه شنط الرحلات، والقماش المصنوعه منه شبيه بأقمشة الجيش الثقيلة. عموما هذا النوع من القماش هو الافضل لما تكون شنطة الواحد تتعرض لأقسى المعاملةbegging.gif : 19 par 19 pixels.، وماراح يرفعها او يحطها بمكان نظيف وواسع.

https://i0.wp.com/i56.tinypic.com/1183hwn.jpg

هالشنطة تشبه موديل الماسنجر لكن ممكن تنشال على الظهر.. من الجلد وتصميمها يشبه الموديل الاول على اساس انها موجهه لطلبة مدارس واكيد معاهم اغراض كثيرة.

https://i0.wp.com/i54.tinypic.com/2ldgls8.jpg

شنط ماسنجر كلاسيك لهالفصل ونلاحظ مافيه اي شي جديد فيها ..

ملابس الشتاء:

بعد الخريف راح يدخل الشتاء، وبتكونوا محتاجين ملابس تدفي فراح استعرض بعض موديلات الجاكيتات والملابس الشتوية اللي ممكن الواحد يلبسها فوق المريول.

https://i1.wp.com/i52.tinypic.com/nz3jic.jpg

جاكيت الجلد بياقة من الصوف او الفرو، هذا النوع راح يكون شائع جدا هالفترة .. وممكن ينلبس فوق المريول بدون مايتقفل.

https://i2.wp.com/i52.tinypic.com/taldfl.jpg

ستايلات ثانية للجاكيت ونلاحظ فيها انو مو شرط يكون الجلد لماع ممكن يكون شامواه والفرو تختلف كثرته لكن كلها يكون باين من عند الياقة. عيب هالجاكيت انه مو مناسب للحركة الكثيرة ..

حلو الواحد يلبسه للاستعراض بسdiscosmiley.gif : 64 par 72 pixels.

https://i2.wp.com/i56.tinypic.com/zx013k.jpg

هنا اشياء كلاسيك مستمرة مثل صديري الفرو والبلوفرات الطويلة والصوفيه الناعمة، كلها راح تكون موفرة هالموسم للي مايحب الجلد. عن نفسي افضل هالستايل للمدرسة لانه انعم وأسهل للحركة في المدرسة .

إن أصبت فإنه من الله سبحانه، وإن اخطأت فإنه من نفسي

{سبْحانَك اللَّهُمّ وبحَمْدكَ أشْهدُ أنْ لا إله إلا أنْت أسْتغْفِركَ وَأتَوبُ إليْك}

مصدر صورة المقدمة:
http://blogs.ksu.edu.sa/lilak/page/2/
صور التدوينة مجمعه من كذا موقع متخصصه بالفاشن
Advertisements

31 thoughts on “❞ أفطر الصبح زيتونه وأروح المدرسة مزيونه ❝

  1. آهلييين =$

    مررآ آسستفدت منهآ و التسسريحآت و الششنط حلووووه ل3

    بس الشنآط وين بلقآهآ فيه ؟ =|

    عطيني آسسمآإء يعني =$

    الله يجزآك خير يَ بطلآه ق1

    إعجاب

    1. الشنط اتوقع بالاسواق العادية .. مثل الدولي والراجحي
      المحلات الكبيرة اتوقع ماينزلوها الا على الشتاء
      شوفي تعليقي على susu فصلت فيها اكثر :$

      منورة المدونة ياقمرهم

      إعجاب

  2. مـرأ التدوينه استفتْ منهـأإ بقوأ
    وعرفت اني الفروضْ اقشْ الورود اليْ عندي وارفعْـهأ
    XD
    الششنط أگوس شي عَجبتي XD

    مـرأ يعطيك العـآإفيه 3>

    إعجاب

    1. منورة ياقمرهم .. عاد التدوينة خصوصا لك ولموشا .. تخيلي ماتردين :p
      الورود ايه الله يعافيك ضفيها مع البكلات الملونه .. خليك على الوان
      الخريف اللي حطيتها بتدوينة الجامعة
      وخلينا نشوف ستايلات مميزة اول ماتبدا الدراسة 🙂

      إعجاب

    1. لووول… فاهمه قصدك بس للاسف مو موجودة بمحلات واضحه او لها مسميات .. ولا اعرف الحي اللي انتي فيه عشان اقدر ارشح لك.. بس لو كنتي من غرب الرياض غالبا مثل الانواع تكون متوفرة في سوق الرياض الدولي اللي على طريق المدينة .. او سوق الراجحي عند نفق السويدي.. طبعا مافيه احد بالغرب مايعرف هالسوقين XD… اسواق عادية لكن من فترة لفترة توفر بضاعة صينية بس تكون نفس ستايلات الموسم… عاد قياسا عليها انتي شوفي الاسواق اللي حول بيتكم .. يعني خلك من صحارى وحياة مول وهالطقة .. لان يبي وقت عشان الوكلاء عندنا يتكرمون ويجيبون لنا بضاعة الموسم:(

      إعجاب

    1. ماعندي مشكلة بس ياليت انو تنوهين فيها انو خذتي الفكرة من مدونتي
      و تحطين الرابط لها .. على اساس ماتنسرق افكاري وتعبي.. لان غالبية
      المعلومات اللي هنا ترجمتها واستنتجتها من كذا عرض ازياء
      ماتلقين ستايلات خاصة للمدرسة عشان كذا تعبت فيها .. وماودي يروح
      تعبي على الفاضي

      إعجاب

  3. اللااااه مدونتك مرررا جميلة وفريدة من نوعها 3>
    يعني مدونتك مررراتفيدني
    طيب بسألك ي ححلوة الشنطة :2,3,4
    مرررا عجبوني تعرفين وين ممكن أحصلها أو أطلبها ؟
    وشي ثاني ي ليت تحطين لنا تدوينة عن العناية بالبشرة الأخص العادية المايلة للجافة و الميكب بلييز يعني :$ 3>
    وموفقة ي ستي (f)

    إعجاب

  4. ادري اني حيييييييييل قديييمه 🙂
    بس صراااحه انصدمت من التدوييينه !!
    ميك اب وتساريح وشوزات وبلوفرات ملوونه ؟؟؟؟! والله فللللله مدااارسكم اول مررره ادري!!! O.o

    يعطيييج العاافيهـ ^^

    إعجاب

    1. مسا الخير
      والله مو كل المدارس تسمح بكذا.. بعض المدارس تحسين الطالبات رايحين حفله .. وبعضهم كأنهم بالعسكرية
      بس الجامعات اكثر حرية

      منورة ياقلبي

      إعجاب

  5. مرهه ححححلةوو هه وذوووق المدونةة
    تسسلمييين حححياتي م قصصرتي
    انا من الرياض وابي ز الشنط

    وين الاقيهم تكفين دورت وم لقيييت تععبت لان المتوسط كلهم طايحين فيها وابي زيها عادي قولي لي اي محل وصفيه لي وبككون ششاكرهه لككك
    وسسوري تعبتككك

    إعجاب

  6. السلام عليكم تدوينة رائعة جدا بس حبيت اقولك وللي يحتاج اسم الشيء اللي يتحط على الساق بدل الشراب هو LEG WARMERS وشكرا

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s