Twitter ,wordpress , Facebook and Tumblr


بالفترة الاخيرة احس راسي يدور فيني بين هالاشياء، عندي حساب تويتر فعال، حساب فيس بوك ميت ، مدونتين على الوردبريس موقفه مؤقتا، وفيه جهات تقنعني انو اسوي حساب في تمبلر. لما اجلس ادورها براسي احس انها توصل اتصال بيني وبين الاشخاص على النت .. بس كذا احس صرت اتصل بزيادة فيهم .. يعرفون ويني فيه ، وش اسوي، مروقة، طفشانه، الانمي اللي اتابعه، الاغنية اللي اسمعها بهالوقت، احيان صور الاشياء من حولي، افكاري والاشياء اللي تعصب فيني، الاشياء اللي اشوفها من حولي وانتقدها.. خخخخخخ… احسني صرت كثيرة ومتوفرة للكل بأي وقت

هل هذا شي حلو؟؟ شين.؟؟

بالفترة الحالية ومع انشغالي احسه شوي يضايقني ويوترني ان اشخاص كثير صاروا يشاركوني بكل حياتي ، بالاضافة انو مافيه فرق بينها .. احيان ودي افكر باشياء ابداعية ، بافكار جديدة لمدونتي، مدرستي، لكن كل هالاشياء ومتابعتها تربطني اكثر بجوالي او بكمبيوتري وتخلي عقلي يوقف. ايام ماكان الانترنت دايل اب .. كنت اتصل بساعات محدودة باليوم .. وباقي اليوم لازم اخلي الخط مو مشغول. كنت بالوقت الفاضي اصمم، اتعلم على برامج جديدة، اكتب ايميلات ، قصص، خواطر، ارسم ، اقرا كتب ومواضيع مفيدة… الخ

حاليا لما افكر القى اغلب يومي ضايع اما اقرا تويتر، او احوس بالمسن، واحيان اتصفح بدون هدف… يمكن لما صرت استخدم قوقل رايدر شوي رضيت عن نفسي وصرت اقرا ببعض الموضوعات اللي تهمني اكثر من اول. لكن مايزال احس عندي نقص مو مثل اول، في خلال الخمس سنوات الاخيرة ماتعلمت على اي برنامج جديد، بالعكس صرت اتجنب احدث البرامج اللي عندي عشان مايتغير الاصدار واضطر اتعلم من جديد عليها، برضو من فترة افكر اغير من الويندوز للماك لكن متخوفه اتعلم على شي جديد وودي اظل مع الويندوز للابد مقابل اني اتورط بنظام جديد.

مااعرف وش ابي بهالتدوينة .. ماعندي حلول ولا شي .. فقط اعبر عن رايي .. وعن الوضع اللي اعيشه بسبب الاتصال الاكثر من اللازم..

اتمنى اعرف هل انا الوحيدة اللي تعاني هالشي او الغالبية مثلي 😉

مصدر الصورة
http://trendhunter.krishnakastubi.com/
Advertisements

4 thoughts on “Twitter ,wordpress , Facebook and Tumblr

  1. كثير كنت مستغرب من توزيعك وتورطك بعمل حساب لكل موقع ومتابعته الخ الخ

    الارتابط بالنت ماراح يولد اختراع وراح تظل مقيد بحجات وهميه
    محتاجين نفصل نفسنا عن النت ومحتاجين نكون شخصياتنا الخاصة داخل او برى النت
    واكبر خطأ ان تحط حياتك بالنت لان لوانفقد النت انفقدت انت كلك بشخصيتك بحياتك كلها

    حلوه السهولة والبساطة بتحصيل المعلومات لكنها تقتل الحياة الاجتماعية
    ابتسامة اهلك واصحابك وهم جالسين جنبك ويسالفون لك وتسالف لهم
    سوالف بين تشكي وبين حش وبين ضحك كلها النت مايقدر يوصلها لك

    كثير افلام اوصفت التكنلوجية والتواصل عن طريقها وكلها تعطيك نتيجة سيئة من ناحية الحياة الاجتماعية

    تفوتنا حجات كثير بالحياة

    بالنت تقدر تكون اي شئ تبيه الا ان تكون انت …
    عجبتني تدوينتك هذي لانك كتبتي عن نفسك وكيف تحسين وماشوف التدوينات تجبرك على اسلوب كتابة او موضوع كتابة … !
    فش خلقك وانطلقي بحياتك …

    إعجاب

  2. تقريباً نفس حالك صايره معاي، يومي كله تويتر، فيس بوك، تمبلر، والمدونه ما تتحرك الا بالشهر مره ولا مرتين، واغلب وقتي ضايع مع Google Reader الي مفيدني ومو مفيدني بعد، يقفيد من ناحية كل شئ بين يدين ويستغل وقت تصفح المواقع واحد واحد، وسيء انه يأخذ وقتي على النت كله، الفوتوشوب صرت ما افتحه بالأيام وافتحه شغله تصغير تكبير تعديل واصك، ما صرت اصمم كثير زي ما كنت اول :/.
    بس على فكره، لو تفكرين بتمبلر انا انصحك فيه، استخدمه انا اشارك فيه الصور الي تعجبني من اي مكان اشوفه، ومميز انه فيه متابعين وتتاعبين ناس تقريباً مثل تويتر :).
    تدوينتك تبين فيها تفتكين من هالأشياء وانا اقولك تعالي تملبر 😛 احس اني داخل غلط :).

    إعجاب

    1. ههههههههههههههههههههههههههههههههههههههههه
      انا فكرت بتملبر لنفس السبب اللي قلته .. بالاضافة انو احيان عندي اشياء ابي اكتبها اكثر من تويته واقل من تدوينة … بعدين قلت يابنت لو تفتحين حساب هالمودنة بتغبر .. لانها المفروض اعبر فيها عن نفسي 😀

      وشكرا على التنبية للرابط 😉

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s