أخطاء جمالية (الجزء الثالث والاخير)


123

الجزء الذي كان المفروض ينزل من زمان. بعد الجزء الأول  الخاص بالملابس الداخلية، والجزء الثاني الخاص بالملابس حبيت اخصص جزء اخير لأخطاء المكياج. تأخر هالجزء لغرض في نفسي .. وهو اني احتك اكثر بالناس حولي واشوف ايش الاخطاء الشائعة في المكياج.

الخطأ الأول: فرقي بين مكياج الصباح ومكياج المساء.

أول خطوة لازم لازم نفهم الفرق بين مكياج الصباح ومكياج المساء. للأسف أن مستحضرات المكياج ما تساعد على هالشي، لان مثل ما للمساء فاونديشن وبودرة وكونسلير وشادو وآي لاينر للصباح ذات الشي . الفرق الوحيد هو الكثافه أو الرسمة.

بحكم شغلي اقابل طالبات كثير بالصباح يخلوني افكر هي صحت الساعة كم على هالمكياج! وودي امسكهم اوضح لهم الفرق واعلمها ان شكلها مرة اوفر على الصباح.

بذات الوقت فيه بنات تغسل وجهها وتداوم وتظن انها صح، طبعا الفئات اللي يداومون بالبجامه هذولي اكبر اكس. ما يذكروني الا بالعاملات اللي تجي مع السواق وتجلس تنتظر معزبتها لين تخلص دوام. اذا ماتبين تحطين شي على الاقل حطي ماسكارا وقلوس. لكن تجين مشهبه تقابلين الناس ابدا ما ينفع.

المفروض يكون شكلنا ناعم وبسيط مناسب للمكان والزمان.

 

الخطأ الثاني: الرموش التركيب.image1xxl (1)

الماركات ينزلون انواع مختلفه من الرموش لسبب معين. هذا السبب ان كل نوع له وقت ومناسبة خاصه. فيه انواع ناعمة جدا ما تكون واضحه جدا وتناسب للدوام او الزيارات الخفيفه. وفيه نوع ثقيل يناسب فقط بالسهرة.

 

هذا النوع من الرموش ناعمة جدا وما تبين باللبس وتنفع مناسبة صباحية او مشوار بسيط.

image1xxl

 

 

أما هالنوع ١٠٠٪ مسائي. لانها كثيفة جدا.

 

 

 

 

 

 

image1xxl (2)

فيه انواع ثانية يحطون لك اكثر من مقاس عشان الواحد ينوع فيها حسب المناسبات المختلفة.

  • الانواع اللي حطيتها مو للتحديد لكن كمثال.

 

 

 

 

 

الخطأ الثالث: تلطخ الماسكارا.

makeup-mistakes-to-avoid-ivy-eye-lashes mascara_mistake_smear_under_eye_20110116

 

 

 

 

 

 

 

 

أحيانا عند وضع الماسكارا من الممكن أن يتلطخ الجفن العلوي. واحيانا عند وضع أكثر من طبقة يؤدي إلى التصاق الرموش مع بعضها البعض. هذه الامور عاديه وتحدث دوما، المشكلة تكون عندما نتجاهل ما يحدث ونخرج لنقابل العالم بهذا الشكل.

من الافضل بعد وضع الماسكارا المرور بقطن يحتوي علي محلول ازالة المكياج او قطن خاص لازالة التلطخ الحاصل. وفي الحالة الثانية بعد جفاف الماسكارا لابد من تمشيط الرموش لنساعد الرموش على الانفصال.

غالبا انا اقوم بتمشيط الرموش بعد الماسكارا لاضمن عدم التصاقهم ببعضهم عندما اضع اكثر من طبقة ماسكارا.

 

الخطأ الرابع: تكبير/ تصغير الشفائف بأحمر الشفاة.

صراحه مااعرف على مين نلعب؛ على أنفسنا أو على الناس اللي يقابلونا. باختصار هذي الطريقة صالحة للتصوير فقط وليس لمقابلة الناس وجها لوجه.

مشكلة هذي الحركة ان اللي يشوفك يحسك ملطخه شفايفك وما يستوعب انها حركة مقصودة ^ـ^”

 

 

 

الخطأ الخامس: عدم تغيير الفاونديشن طوال السنة.

landscape_nrm_1417819040-7

طبيعي جدا إن بشرتنا تتأثر بتغير الفصول وهالشي لازم نراعيه لما نستخدم الفاونديشن (كريم الاساس) مثلا: بشرتي بالصيف تكون دهنية جدا واكثر اسمرار لتعرضها للحرارة، وبالشتاء تكون دهنية شبه طبيعية ولونها أفتح. هالشي يخليني اغير نوع ودرجة المكياج من فصل للآخر بما يتناسب مع بشرتي. لنتخيل إني استخدمت مكياجي الخاص بالشتاء في فصل الصيف، ايش راح يصير؟

راح تكون بشرتي دبقة جدا وكلها دهن، بالاضافة إن درجة اللون راح تكون افتح بكثير من بشرتي. بسبب ان نوع المكياج مخصص لدرجة لون افتح من بشرتي الحالية واقل افراز للدهون.

 

الخطأ السادس: الحواجب.

الحواجب وما ادراك ما الحواجب 😦

over-empasizing-eyebrows

اكبر خطأ ان للان فيه ناس ترسم بداية الحاجب مثل المربع :(:(:(.. ابدا مو طبيعي ومو ناعم وغريب ..

 

مهما كانت نهاية الحاجب بيرفكت لازم البداية تكون مضبوطة. فيه فيديوات كثيرة بالنت تشرح كيف ترسمينه، بش شخصيا افضل هالطريقة.

 

photo1

وفي البنتريست ارشادات كثيرة ومتنوعه تساعد انك تقنين اي طريقة.

 

الخطأ السابع: عدم اتباع قاعدة التركيز على شي واحدmakeup

في المكياج يُفترض ابراز العينين أو الشفاه. ومن الخطأ التركيز عليهما معا. ونلاحظ ستايل العين السموكي دايم يكون معاه احمر شفاه وردي او نود، واللون الاحمر تكون العيون بس اي لاينر او شادو فاتح.

 

اللي يصير ان بعض البنات تحط احمر شفايف فاقع والعين كمان مكياجها غامق وثقيل. اللي يصير ان الواحد يحسها Too much حتى ان مكياجها بيرفكت.

 

 

 

الخطأ الثامن: الاعتقاد أن المكياج هو الحل لمشاكل البشرة.

cdbaaf1509d61055627ed5b7180e9094

 

للأسف فيه بنات يعتقدون هالشي. فيما الواقع اذا بشرتك تعبانه وباهته ومهملة المكياج راح يبرز هالشي. فتلقينها تحط طبقات ثقيلة من المكياج رغبة ان تكون بشرتها صافية جدا.

يُفترض الواحد يهتم ببشرته ويعالجها وينظفها. هالاهتمام راح ينعكس ايجابا لما تحطين المكياج.

 

 

 

الخطأ التاسع: أن يكون مكياج السهرة قطعة من فستانك.

33eb3f35f62dcdf760fe5f977256c1ec MTIzNjEzMTg5OTk4NDEzMzI2

احيانا في محاولاتنا اننا ننسق بين المكياج واللبس ننتهي إننا نحط مكياج نفس الوان اللبس. فيه تركيز لطيف وتركيز فاشل. التركيز اللطيف مثل سيلينا (يمين) نسقت بين الروج واللبس بس الصورة الثانية ابليس الله يهديها. هذا اكبر خطأ خصوصا اذا لون اللبس بارز. مثل سموكي آيز اسود ولبسك اسود، او شادو فوشيا ولبسك فوشي. اكبر خطأ هالشي. نتبع نفس قاعدة المكياج بالتركيز على شي واحد؛ اذا لبسك لونه قوي خففي المكياج وركزي بس على الاي لاينر، واذا الوان لبسك باستيل وخفيفه ممكن تثقلين المكياج.

 

 

وبكذا الحمد لله خلصت السلسلة. اتمنى انها كانت مفيده وتعرضت لاكثر الاخطاء الشائعة بهالامور. وان شاء الله تقل هالاشياء وماعاد نشوفها مستقبلا.

Advertisements

2 thoughts on “أخطاء جمالية (الجزء الثالث والاخير)

  1. موضوعك جميل و فعلاً كثير من الي قلتيها دايم نشوفها
    في شغله الكونتور الواضح ع الصبح جميل الميك اب بس مو حق صباح

    ملاحظه على شغله ليش لازم احط ميكب كل يوم مالازم ترا وجهي نظيف لبسي و شعري مرتب عادي
    انا عن نفسي مو من محبين المكياج وأداوم بدون مكياج اعدل حواجبي شوي لأن الحمد الله حواجبي عريضه و متوسطه الكثافه مايبغالها
    واحط مرطب شفايف وسن بلوك بدون لون وخلاص
    واشوف انه شكلي مرتب وكويس وكل وحد بكيفه
    فيه بنات تحط مكيب جميل ماشاء الله وخفيف فعلاً حق صباح مرات مو واضح الا لما اقرب منها الأحظ انها راسمه عيونها حاطه ماسكر وفاونديشن
    جميل مرا ، بس انا ماأحب ترا مو لازم سواء كان عندي سبب اني ماأحط او ماعندي كذا بس ماأبغى عادي
    بس نتفق انو يكون الشكل مرتب و الوجه نظيف و مافيه اثار النوم و خلاص الحمد الله .

    إعجاب

    1. احيان انسى شي كنت ابي اشرحه بسبب ان طالبه قدامي جايه بكامل زينتها 🤔
      واقاوم اسألها اذا معزومة على الغداء بعد الدوام 😂
      بس الجيل اللي شب على هدى بيوتي وبنات كاردشيان وبعض الكويتيات مستحيل يقتنعون ان هاللي يحطونه مكياج عرس مو دوام صباحي 😪

      انا الصبح اكتفي بالواقي والبلاشر وكثر الله خيري .. واذا مروقه رسمت اي لاينر
      لان صراحه احيان القى نفسي للعصر بالجامعه فاقرف من وجهي واحس حرام كتمته طول اليوم بهالبلاوي

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s