المنظم اليومي -الجزء الأول


2015-11-15 09.49.011-1

سبق من كم سنه كتبت عن المفكرة اليومية لكن من كم شهر جاني تنبيه من شخص على التويتر ان الصور اختفت.. سبق طبعا لاحظت هالشي بس مااذكر ايش الصور اللي كنت حاطتها .. فقررت اتخذ هالشي سبب عشان اكتبها من جديد. السبب الثاني عشان أرجع اكتب التدوينة، إن استخدامي للمفكرة تغير شوي. كذلك من ذيك الفترة لليوم جربت انواع مختلفة بفترات مختلفة. مااقدر اقول اني وصلت للنوع البيرفكت بالنسبة لي، لكن راضية بشكل كبير عن النوع اللي استخدمه بالفترة الحالية.

 

SAMSUNG CAMERA PICTURES

بالبداية ايش يعني منظم يومي:

هو سجل زمني (يومي، اسبوعي، شهري، سنوي) للاحداث والمهام المطلوب إتمامها خلال فترة زمنية. واحيانا يكون عبارة عن الروتين اليومي الخاص بالشخص.

 

 

استخدامات المنظم:

استخدامات خاصه بالعمل، او الدراسة، او الحياة اليومية.

راح تستغربون لما تبحثون في pinterest عن أنواع المنظمات اللي يستخدمونها الاشخاص حول العالم. ومن بينها:

  • الروتين اليومي.
  • مواعيد العمل والمقابلات.
  • مواعيد المستشفيات.
  • منظم للنشاط الرياضي.
  • منظم خاص بالمهام المنزلية من طبخ وتنظيف وشراء الاحتياجات.
  • منظم خاص بالام يحتوي على جميع نشاطات افراد العائلة وارتباطاتهم المهمه.
  • منظم خاص بالطلبة وتسليم المشاريع والواجبات.
  • منظم خاص بالاهداف وتحقيقها ( غالبا هذا النوع يكون محدد بفترة زمنية مثل ١٠٠ يوم)

وغيرها من الانواع الكثيرة.

2015-09-11 17.43.10

كيف اختار المنظم المناسب لي؟

هذا هو السؤال الصعب. مستحيل يوصل الواحد لاجابة من اول نوع يستخدمه. لازم يجرب كذا نوع واكثر من حجم عشان يقرر ايش النوع المناسب له.

الانواع المتوفرة بالسوق غالبا محددة بكذا نوع، لكن باحجام متعددة:

المنظم السنوي:

f1258544787985.560785933e7cf

عبارة عن الاشهر في السنة وتحتها كم سطر يحدد الاشياء اللي يحتاج الشخص ينجزها خلال هالشهر. واحيانا تكون جدول وكل شهر تحته خلايا بعدد الايام بهالشهر والشخص يحط ايش يفترض يسوي بها اليوم.

هالنوع اشوفه مفيد للي عنده اهداف محددة بكل شهر، او يكون لعائلة كبيرة فكل شخص يحط مناسباته الخاصه (كالمواعيد او الحفلات) في يوم محدد بحيث الجميع يشوفونه.

بالنسبة لي هالسنة اول مرة احاول استخدمه لانه جاء مرفق بالمنظم اللي اشتريته وقررت اجربه. للان مو متقنته تماما لكن حلو استخدمه للنظرة العامة على السنة لما اجي ابي اقرر شي مهم مثل سفر او اسجل بدورة بعيدة المدى.

نسخه PDF مجانية

المنظم الشهري:

IMG_2385-001-584x390

عبارة عن شهر واحد على صفحة واحدة او صفحتين. الخانات لكل يوم مناسبه لاكثر من مهمه اذا خطك صغير. افضل شي فيه ان ممكن توضح اي ارتباطات او التزامات تاخذ اكثر من يوم او اكثر من اسبوع. اهم جزء فيه انه يعطيك نظرة عامة على الشهر وكيف راح يكون شهرك اذا مزحوم او خفيف.

المنظم اليومي:

il_570xN.914773252_650t

المنظم اليومي يجي عدة انواع:

  • كل يوم بصفحة مستقلة، والصفحة مقسمة حسب ساعات اليوم. وهالنوع احسه مناسب اكثر للبزنس او للشخص اللي مهامه مرتبطه بالوقت.
  • اسبوع كامل يكون مقسوم على صفحتين مع خانه اضافية للملاحظات او اهدافك هالاسبوع. (هذا النوع كان مناسب جدا لي).

بفترة جربت النوع اللي محدد بالزمن وكان لطيف بس ما يناسب شخصيتي اللي اكره انحصر بزمن ضيق او أجبر انهي المهمه خلال فترة زمنية.. احب مهامي عايمة خلال اليوم واهم شي اخلصها قبل ينتهي. اعرف مو كويسه هالحركة بس هي اكثر شي ناسبتني.

 

أحجام المنظم:

UT8_a36XkVXXXagOFbXW

الاحجام الدارجة هي:

A4: 210 × 290mm

A5: 148 x 210mm

A6: 105 x 148mm

personal: 120 x 148mm

وهالاحجام تجي بكذا نوع:

  •  ملف ونعبي فيه الاوراق. احيانا هالاوراق تكون مرفقه معاه او نشتريها بشكل منفصل.
  • ممكن تكون دفتر مختوم والاوراق مثبته فيها ومانقدر نضيف اي تعديلات عليها.
  • اوراق تباع بشكل منفصل او بنسخ PDF وتتم طباعتها منزليا ونضيفها لفايل كبير او حلقات خاصه.

محتويات المنظم الاساسيه:

المنظمات تختلف حسب انواعها والبلد اللي تشتريه منها. مع استخداماتي المتعدده اكتشفت ان المنظمات المصنوعة بشرق اسيا تختلف بحتوياتها عن المنظمات المصنوعة بامريكا. صاحه اميل شوي للنوع الاسيوي واحس الامريكي جامد. لكن الخيار لكم في الاختيار. راح اذكر ابرز المحتويات اللي راح تلفونها في المنطمات:

  • تقويم للسنة واحيانا سنتين.
  • منظم للسنة (سنة لسنتين حسب نوعه).
  • صفحة للاهداف الشهرية تكون ببداية كل شهر.
  • منظم للاشهر (١٢ – ١٨ شهر) وفيه انواع نصف سنوي.
  • منظم اسبوعي (واحيانا يكون منظم يومي بعدد ايام السنة وهالنوع يكون كبير شوي)
  • صفحات To Do List.
  • صفحات حرة للملاحظات.
  • صفحات حرة للرسم.
  • صفحات اضافية لبعض الهوايات ( الكتب التي يتم قراءتها، الافلام التي تم مشاهدتها … الخ)
  • صفحات بالمشاريع ومراحل انجازها.
  • منظم للروتين اليومي بساعات اليوم.
  • صفحات خاصة بالمصاريف المالية.

الخيارات متعددة وواسعة لكن كل شخص يختار النوع اللي يتوافق معاه. بالنسبة لي يهمني هالاجزاء تتوافر بالمنظم الخاص فيني:

  • تقويم للسنة واحيانا سنتين.
  • منظم للسنة (سنة لسنتين حسب نوعه).
  • منظم للاشهر (١٢ – ١٨ شهر) وفيه انواع نصف سنوي.
  • منظم اسبوعي (واحيانا يكون منظم يومي بعدد ايام السنة وهالنوع يكون كبير شوي)

والباقي اضيفه باوراق اطبعها او اشتريها منفصله. عشان كذا يهمني اشتري النوع اللي يتيح الي امكانية اضافة وازاله اجزاء منه.

 

احس كثرت هذرة.. لذلك راح اوقف عند هالجزئية واكمل بالتدوينة الجاية كيف نستخدم المنطم.

 

 

Advertisements

2 thoughts on “المنظم اليومي -الجزء الأول

  1. موضوع مهم🤔✨
    جربت كثير مثلك وللان ما احس لقيت شي يرضيني تماما؛ لكن حاليا اعتمد عالالكتروني متزامن الجوال مع اللابتوب؛ حسيته معي سريع ومتاح باي وقت ؛ الورقي مشكلته كان ياخذ مساحه احيانا مع اغراضي الكثيره “يمكن احتاجه سبحان الله” واضر افضي الشنطه شوي والضحيه هو المنظم xD 💔
    اعتبرها مشكله برضو ان اشكال المنظمات وتصاميمها جذابه جدا واختيار واحد ياخذ وقتي 😂😂😂

    إعجاب

    1. اشاركك بمشكلة المنظمات الورقيه وعشان كذا كل ماله ويصغر الحجم اللي استخدمه ^ـ^”
      الالكتروني حلو بس مااحب اكتب بالكيبورد، احب اكتب بيدي بما انه الشي الوحيد اللي ممكن اكتبه وباقي الاشياء الكترونيه D:

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s