المنظم اليومي – الجزء الثاني-


File 6-4-16, 9 21 40 PM

 

بهالجزء راح ابدا باهم شي، وهو كيف ممكن استخدم المنظم؟

 

هذا الجزء يعتمد على الممارسة وشخصية الفرد. كيف تحب يومك؟ ايش نظامك؟ هل انجازك لمهامك مرتبط باشياء او اشخاص اخرين؟ هل تكتب مهامك قبل تنفيذها؟ او تحتاج المنظم كسجل لأيش سويت خلال اليوم؟
بعدها نحدد كيف نشتغل. بالنسبة لي عندي اشياء مهمة لازم ادرجها بالمنظم:

  • مواعيد المستشفى وهل قبلها في فحوصات او لا.

  • مواعيد صرف العلاج او لما اشتري علاج معين اوضح متى بديت فيه.2016-01-04 13.30.45
  • مواعيد خاصة بالشغل وبطالباتي (مواعيد الاختبارات، تسليم درجاتهم، مواعيد التقييم، مواعيد العروض)
  • موعد راتبي واي ارتباطات مادية احتاج انجزها بتواريخ معينه مثل فواتير او راتب السواق.
  • التزامات اجتماعية خاصه بالعمل او صديقاتي، لاني للاسف الشديد لو ما كتبت الالتزام او حطيت تنبيه بجوالي ممكن ببساطه انسى الموضوع تماما.

 

 

2016-01-04 13.30.03

فيه اشياء روتينية بالفترة الاخيرة صرت اضيفها مثل:

  • مشتروات اون لاين.
  • مواعيد استلام شحنات معينة، خصوصا بالاغراض اللي يحتاج شحنها فترة طويلة.
  • اقتباسات من كتب قريتها بنفس الاسبوع.
  • نشاطات رياضية (ولو اني اسحب غالبا).

 

 

 

فيه أشياء اخطط اني ابدا اسويها الأيام الجاية  شفتها عند ناس اجانب، لكن لسه مابعد بديت فعليا فيها:

  • عدد كاسات الموية اللي اشربها يومياً. لان جد ودي أصير اشرب العدد الضروري اليومي لان شربي للمويه مرة قليل وهذا خطر.
  • تفصيل للتمارين اللي يُفترض اسويها كل يوم عشان مااسحب. حسيت ان لو فصلت بنوع التمارين يمكن يساعدني التزم احسن من اسوي تمرين واحد واقول خلاص اتممت المطلوب.
  • البرامج الروتينية لنفسي سواء ماسكات او حمامات مغربي او حتى صبغة شعري. لاني من النوع اللي فجأة اصحى الصبح اقرر ابي اغير شكلي. واحيان اجلس شهر او اكثر مالي خلق اسوي شي، واحسه شي غلط للأنثى.
  • وجبات الاسبوع او الاسبوعين. لاني صراحة اكره اوقف بالسوبرماركت متنحه اقعد افكر ايش ابي اطبخ. او اني لما اقرر وجبتي القى مقادير كثير تنقصني.
(الصورتين من حساب بالانستقرام)

{"total_effects_actions":0,"total_draw_time":0,"layers_used":0,"effects_tried":0,"total_draw_actions":0,"total_editor_actions":{"border":0,"frame":0,"mask":0,"lensflare":0,"clipart":0,"text":3,"shape_mask":0,"callout":0},"effects_applied":0,"uid":"D8D9DB65-69CB-472A-B251-6D0BCC3315F0_1440152697220","photos_added":0,"tools_used":{"resize":0,"adjust":0,"curves":0,"motion":0,"clone":0,"crop":0,"enhance":0,"selection":0,"free_crop":0,"flip_rotate":0,"shape_crop":0,"stretch":0},"total_effects_time":0,"origin":"gallery","total_editor_time":204219,"brushes_used":0}

الاغراض اللي احتاجها قبل ابدا اشتغل على المنظم:

  • اقلام بالوان متعدده عشان اسوي ترميز الالوان.
  • Washi Tape باكثر من ديزاين.
  • ستيكريرز متعدده.
  • Post it بعدة احجام.
  • اغراض مكتبية (خرامة، دباسة، مقص، قلم رصاص، مساحة، براية، مسطرة).
  • أختام باشكال او بالتاريخ وحب خاص فيها اذا ماكنت تحتوي على الحبر.
  • كروت بعدة احجام بالشكل اللي نحبه، وممكن كمان ظروفها.

File 6-4-16, 9 22 36 PM

 

فصلت الاشياء اللي احتاج ادونها بالبلانر والاحتياجات عشان نبدا شغل. نجي الحين كيف اعبي الخانات في المنظم الشهري؟

  • ببداية كل شهر او قبله باسبوع ابدا ازين ثيم للشهر بناء على مزاجي بذيك الفترة. الاشياء اللي استخدمها للزينة اشتريها من موقع aliexpress.com و www.etsy.com
  • اكون طبعاً بفترات سابقة اي مهمة او مناسبة اعرف انها بالشهر الجاي ادونها على post it  الصغير اللي مخصص للاستخدام كمؤشرات، بس طبعا انا استخدمه بطريقة مختلفه.
  • اجي هالشهر واحبر المهام بعد ما أتأكد انها راح تتم هالشهر.
  • ادون الالتزامات المادية من فواتير وخلافه اول شي.
  • احبر مواعيد المستشفى المؤكدة واشوف اذا فيه قبلها فحوصات او شي.
  • اشيك مهام شغلي واشوف اذا فيه اجتماعات او تسليمات محدده لها الشهر. طبعا اشيك على ايميل الشغل وادون اول بأول اللي وصلني على الايميل عشان ما أنساها.
  • اشيك ايام ميلاد الاشخاص المهمين واتأكد انها موجودة على هالشهر. غالبا هالخطوة اسويها ببداية كل سنه احط كل ايام الميلاد لكل السنة او على الاقل الست شهور الاولى. بس طبعا هي موجودة بالتقويم بالجوال، والفيس بوك كمان ما يقصر بالتنبيهات.
  • وخلال الشهر اضيف اول بأول اي شي يجد حتى لو كانت مهمه المفروض اسويها خلال يومين.

File 6-4-16, 9 23 32 PM

بعد كذا نجي لتعبئة التنطيم الاسبوعي:

  • اول شي اسويه اني احدد الثيم مثل ما سويت بالشهر (بالصورة كان الاسبوع يوافق اسبوع زواجي فخليت الثيم شوي حالم مع طبعا كرت خاص بهالمناسبة).
  • افتح صفحة اول اسبوع بالشهر واعيد كتابة المهام الاسبوعية بكل يوم.
  • مواعيد المستشفى ارفق ورقة الموعد في نفس الاسبوع عشان لما اكون بالمستشفى اعطيهم اياها.
  • اي مناسبات بالويكند اتأكد اني حطيتها واحدد اذا محتاجة لبس معين او موعد صالون لها المناسبة.
  • ادون مواعيد الشحن للاغراض اللي طلبتها او ابي ارسلها.
  • احدد مواعيد محاضراتي واي تفاصيل ابي اذكر اسويها مع طالباتي.
  • بعض المهام والتفاصيل اللي احتاج اشيك عليه، مثل اتصل على جهه معينة او اتابع معاملة.

بعد ما اخلص احط كلبس على الورق يخلي سهل انتقل من الاسبوع اللي انا فيه للشهر كامل. واضيف بعض البطاقات او المؤشرات. وطبعا كل هذا حسب مزاجي بنفس الاسبوع.

2015-07-27 23.17.30

 

متى اشتغل على المنظم؟

التزيين والديكور اشتغل كل اسبوعين مع بعض لان مو دايم اكون بكل ويكند رايقة وفاضية. لكن اضافة المواعيد والالتزامات متى ما شفت نفسي فاضية سواء بالبيت او طالعة كوفي استغل الوقت وابدا اشيك مهامي واحطها بالمنظم. وبشكل يومي اضيف اي مهام تجد او اشياء احتاج اخلصها. كمان فيه شغله من فترة بديت اسويها وحسيتها مهمه. اني احط الاشياء اللي انجزتها باليوم وماكنت مدونه في المنطم. احيان تكون مجرد معلومات اضافية مالها اي معنى لكن احيان احتاج اتذكر متى بالضبط سويت هالشي او ذاك فالحلو ان عندي سجل اقدر ارجع له واتذكر بالضبط اليوم والتاريخ.

 

المنظم والاجازات:

بما ان قطاع التعليم (وانا منهم) هالسنة راح تكون اجازتنا طويلة غير عن العادة فالمنظم ممكن يكون شبه مهمل. لكن لان الغرض الاساسي اللي انا استخدم له المنظم هو روتين يومي وحياتي بشكل عام، بكذا راح استمر استخدمه.

شفت مرة موظفة بنك قبل تطلع من الدوام شالت المنظم حقها وحطته بالدرج وطلعت، هنا على طول عرفت ان منظمها خاص بالعمل لذلك تركته. فاكيد كل الاشياء المسجلة فيه بتكون فقط في الاطار الزمني الخاص بالعمل.

هذا الشي احنا نحدده في بداية استخدام المنظم، وبناء على هالتحديد نقرر هل المنظم بيكون متواجد خلال الاجازة او راح ينركن على الرف مع اغراض الدوام.

 

 

بكذا يكون خلصت الجزء الثاني. اتمنى اكون غطيت جزء كبير من اللي تحتاجون تعرفونه.

اي سؤال بخصوص المنظم خذوا راحتكم اسألوا.

 

Advertisements

2 thoughts on “المنظم اليومي – الجزء الثاني-

    1. تلقين بجرير الانواع الكلاسيك العاديه
      بعض المكتبات الصغيرة ومكتبه الشرق وبعض محلات الاغراض الصينيه او دايسو توفر انواع شوي لطيفه
      خيارات الاون لاين اوسع واكبر، فتحصلين في امازون والايباي وعلي اكسبريس. وفيه بعض المواقع المتخصصه مثل kikki.k
      وممكن كمات تحصلين في موقع etsy

      موفقه يارب

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s