فيتامين E


بشرتي للي ما يعرفني مو بس دهنية إلا أكسترا دهنية بالاضافة ان المسام فيها واسعة. ما خليت دكتور ما رحت له وكلهم قالوا ممكن نعطيك حلول مؤقتة لفترة وبعدين بترجع لطبيعتها. لذلك تصالحت مع نفسي وتقبلتها وصرت بس بالمناسبات استخدم بيس يقلل من حجم المسام.
بفترة ماضية نصحتني اختي اجرب فيتامين E بما انو نتائجه قوية. وصراحه ما تحمست ابدااااا اني احط زيت على بشرتي الدهنية. بس قدام الاصرار قررت اخذ شوي من اللي عندها واخلطه بزيت اللوز واجرب. وماراح اخسر شي.
بعد استخدام اسبوع او أقل انصدمت بالنتائج. المسام صغرت بشكل كبير، البشرة احسها نظرة ومتوهجة، ولون البشرة بدا يتوحد. هالنتائج خلتني اروح اشتري لي الزيت واداوم على الاستخدام يوميا.
لكن العيب الوحيد لهالحركة ان اول ما توقفين يرجع كل شي زي ماكان. فيحتاج يكون الزيت احد مستحضراتك اليوميه الليلية.
نجي الحين للمعلومة المهمة؛ الكمية والاستخدام.
  1. راح تحطين مقدار واحد فيتامين E المركز مقابل ثلاث مقادير من اي زيت تحبينه- انا حطيت زيت اللوز-
  2. كل يوم قبل النوم بكم ساعة تنظفين وجهك من اي مستحضر او حتى غبار.
  3. تاخذين كمية معقولة من الزيت وتدلكين الوجه فيه. المفروض تكون كمية كبيرة شوي تغطي كل البشرة.
  4. تنتظرين من ساعة لساعتين عشان تمتصه البشرة تماما. واللي بشرتها دهنية مثلي بتحتاجين وقت اطول.
  5. بعدها تقدرين تنامين.
الفكرة انك تحطين الزيت بوقت ما تتعرضين فيه للشمس او اي مصدر حرارة عشان الاسمرار. فممكن من المغرب او العشا تحطينه.
فيتامين E متوفر من اي هيرب ويوصلون مباشر للسعودية وسعره ٤٦ ريال واحيان يكون عليه عروض. فيه تجار يبيعونه هنا بسعر اعلى لكن اختاري اللي يناسبك.
العبوة اللي استخدمها خذتها من دايسو وممتازة للزيت. اهم شي تأكدي ان راس العبوة نفس اللي عندي عشان الانواع الثانية ممكن تعذبك شوي.
Advertisements

2 thoughts on “فيتامين E

  1. ما شاء الله حمستيني استعمل الزيت مع الڤيتامين
    و كثييير يمدحون ڤيتامين E للبشرة و الشفايف و الأظافر بعد
    شكراً ع التدوينة المرتبة و المفيدة 💞

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s