Fat Girl Scrub – bliss




Fat Girl Scrub بغض النظر عن الاسم هو مجرد سكراب سوقوا له براند  Bliss على أساس انو ينعم الجسم ويحفز الحرق. طبعا مسألة الحرق هذي خرابيطومعروفة من البداية. قريت الريفيوز باكثر من موقع وشيكت على الفيديوات اللي سووها البلوغرز الاجانب عن تجاربهم بس ماكان فيه شي واضح. فقررت اشتريه لان سبق جربت مستحضرات من عندهم وكانت ممتازة بس مو نفس هاللاين، وحبيت اجرب السكراب لان توقعت بيكون بنفس الجودة.
هذا التوقع على طول انهار اول ما وصلتني العلبة. مااعرف هل هذا الشي بكل العلب او حظي بس بعلبتي. كان المستحضر متكتل بطريقة كأنه قديم!ومنفصل الجزء السائل عن الجامد ومحتاج شوي تحريك عشان اقدر استخدمه
 بس مع هذا قررت ما اترك الشكل يسيطر عليّ ولازم اجربه.

نصيحة بالبداية: هالسكراب ما ينفع على جلد جاف مثل سكرابات Lush. لازم الجلد يكون مندي شوي.
اول ما حطيته على جلدي كان حار جدا كأنه فلفل. ومع استمرار التدليك تزيد الحرارة. لكن المشكلة ان مافيه نسبة الرطوبة الكافية عشان ادلكه كويس على الجلد. الحل اللي سويته اني اخذ كميات بسيطة منه وادلك فيه.
وكمان لازم ننتبه انو خشن مرة فما ينفع بكل مناطق الجسم لان حسيت كأنه يجرحها
لكن للاسف بعد استخدام كذا مرة صراحه ما حسيت اي تغير بجلدي. اصلا ماكنت احس اني استخدم سكراب!
العادة بعد ما استخدم السكراب احس طبقة من الجلد راحت وكأن الغبار على جسمي اختفى. بس مع هالمستحضر ما حسيت باي شي باستثناء الحرارة! مرة غريب مع اني توقعت ان الخشونه فيه والحرارة بتغير شي بالجلد لو ملمس. وخلصت طبعا العلبه بدون اي نتيجة تذكر.
هالسكراب ذكرني بنوع قديم نسيت من وين اشتريته للاسف، نفس الفكرة حار وخشن بس الاحساس بعد مجنون كأني طالعه من حمام مغربي❤️ عشان كذا تأملت بهالمستحضر لما شفته خشن وحار بس للاسف مو قد التوقع
مستحيل طبعا أرجع اشتريه ثاني ولا أنصح فيه.

 

Advertisements

2 thoughts on “Fat Girl Scrub – bliss

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s