هدية مولود من صنعك


بهالتدوينة راح اتشارك معاكم كيف تسوين هدية بشكل جميل لمولود. العادة انا اسأل الشخص اذا قريب مني ايش يحتاج واجيبه، او الاسهل اعطيهم مبلغ مالي. هالمرة كان لي خاطر اغلف هدايا؛ شكله تأثير الاجازة الطويله بالصيف.
الاغراض اللي راح نحتاجها:
  • علبة مقسمة، أو رفوف مثل اللي خذتها المهم تكون مصنوعة من الحشب.
  • مجموعة مسامير بعروة.
  • خيط سميك.
  • Washi Tape بكذا لون.
  • اعواد خشب (وممكن نستخدم اسياخ شوي).
  • مساكات غسيل الخاصة بالهدايا.
  • الهدية.
مراحل العمل:

  • نشيك اول شي على اللون اذا عاجبنا او ممكن نغيره. بالنسبة لي اخترت من الاساس ابيض عشان مااضطر اغيره.
  • نشيل اي اضافات معدنية بالرفوف سواء تعليقات او غيره.
  • نحدد اماكن تركيب المسامير والافضل يكون عندنا مخطط أولي للشكل.
  • نركب المسامير في اماكنها وراح نحتاج نستخدم المطرقة. نتأكد ان حجم المطرقة صغير عشان ماتترك اثر على الرفوف.
  • نقص الخط بالطول المناسب ونركبه على المسامير. نلاحظ في المربعين الاول يمين والثاني يسار مافيه الا لوح واحد، وهنا راح استفيد من الاعواد الخشبية.
  • اخذ الاعواد واقصها حسب الطول المطلوب وازينها بالواشي تيب. الفكرة كانت انها مثل الشرايط حقت الهوا.
  • اثبت الاعواد في اماكنها المحددة واربط الخيوط فيها. العود الخشب في البوكس الاول يمين واجهتني صعوبه عشان اثبته. لكن بالاخير خطر ببالي اسوي له دعامات ثلاثيه خشب عشان تسنده. للاسف نسيت اصورها لاني سويت الدعامات وثبتها بمحل الهدايا. بالبدايه كانت الاعواد شوي مايله وعدلتها بعدين.
  • الحين انتهينا من الشغل الصعب ونجي للسهل وهو ترتيب الهديه:
هديتي عبارة عن طقم لبس، شرابات، ولعبتين وكوب.
  • الكوب واللعبه اخترت يكونوا باثنين من البوكسات المفتوحة والثالث للشرابات عشان توازن الشكل.
  • استخدمت مشابك الغسيل وثبت فيها الشرابات بالبوكس الاول المفتوح.

  • طقم الملابس كنت محتاجة بالاول اثبتهم بدبابيس عشان تحافظ على الطية بشكلها لما اعلقها.
  • علقت الملابس بالمشابك نفس الشرابات.
  • وبما اني علقت فردة وحدة من كل شراب كان باقي عندي الفردات الثانيه. بالبداية حطيتهم بكوب كب كيك. بس لما بديت اشتغل الكرت لقيت افضل احطهم بعلبه نفس الكرت.
  • الكرت صراحه تعبت مالقيت حجم حلو او شكل مناسب. بالاخير ذكرت ان عندي علب صغيره باقيه من هدايا العيد فقصيتها وسويت منها كرتين.
    وهالشي هو السبب اللي خلاني اغير فكرة الشرابات من الكب كيك للعلبه.
  • علقت الكروت نفس باقي الاغراض وحطيت جنبها علبه الشرابات.
  • بالاخير وديتها محل يغلفها سولوفان لانه للاسف هو الشي الوحيد اللي مالي خلقه.
تكلفه للاغراض ماكانت مكلفه:
  • المسامير من ساكو بتقريبا ٧ ريال وحصلتها بعدين في دايسو
  • الخيوط من ساكو بتقريبا ٥ ريال
  • الرفوف من الهزازي ب ٣٠ ريال
  • ونضيف عليها قيمة الهديه اللي اشتريتها وكل شخص حسب ميزانيته
Advertisements

6 thoughts on “هدية مولود من صنعك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s