مفضلاتي ومصادر إلهامي (١)


الفترة الماضية جاني ضغط غريب بالشغل وصار عقلي فاضي مو عارفة ايش اكتب في المدونة. لكن اليوم لما شفت التهنئة من الوردبرايس بمرور ثمان سنوات على المدونةHeart-love iconHeart-love iconHeart-love iconHeart-love iconHeart-love iconHeart-love iconHeart-love iconHeart-love iconHeart-love icon قررت لازم اكتب تدوينة وهالصورة ألهمتني عن فكرة التدوينة.

في اللحظات اللي احس ان عقلي فارغ تماماAlien-talk-tired icon احب اريحه شوي بدل ما ادفعه يفكر اكثر. لكن لو مر فترة ومازال الفراغ يسيطر على عقلي فهنا اعرف اني محتاجة لمصادر تسحب عقلي من قوقعته عشان يعاود نشاطه.
في المرحلة الاولى احاول احفز عقلي بؤثرات بصرية بحكم انها الاسهلHeart-love icon. فيه كذا حساب في الانستقرام احرص اني اخذ طلة عليها من فترة لفترة سواء للتغذية البصرية او لتحفيز الالهام:

 

@hayaisreading
هالحساب متخصص بشكل كبير بالكتب. لكن بالنسبة لي احب طريقة تصوير الكتب، طريقة ترتيب المكتبة الخاصه بصاحب الحساب، وكذلك الروتين الصباحي اللي احيانا تشاركه.

 

@Nourasbusiness
حساب يقدم معلومات لاشخاص اللي حابين يبدون تجارة خاصة فيها، وكذلك للي عندهم عمل قائم. احب النصائح اللي تقدمها بشكل بسيط وسريع. وبما اني مؤخر بديت مشروع صغير على الحساب @Couch.and.Talk فاحب اثقف نفسي بالمعلومات لكن للاسف ينقصني الوقت دائما مع كثر المهام عندي. لكن هذا الحساب يعطيني المعلومات المهمة وينبهني لاشياء كثير بمجرد بوست صغير.

 

@Safa__q
طبعا انا معروف عني اني اكره حسابات الناس المشهورة اذا ما يقدمون محتوى كويس. لكن هذي تشارك في حسابها طرق لتعليم الطفل وبعض المعلومات. الافكار اللي تطرحها تسويها من امكانيات البيت بحيث تعطيك افكار  كثيرة وتلتفت لاشياء اكثر موجودة عندك.

 

 

@smart.garden
اخر شي من حسابات الانستقرام هالحساب. صعب اوصف جمال هالحساب او كمية الايجابية اللي تطلع منه. هو طبعا لهم جانب تجاري بس هالحساب تعرض فيه صاحبته مزرعتها ويومياتها فيها. واللي يهنمه الزراعة يضيف السناب للحساب لان يوميا فيه تجارب واخبار.
هالحساب يعطيني طموح استمر اجرب ازرع حتى لو ماتت النبته. واصلا من اضفته صرت ما استسلم لما تضعف نبتتي واحاول اكثر من مرة لين تنتعش من جديد.
(توني مبسوطة ان نبته كنت اتوقعها بتموت وسويت لها فكرة من الحساب واشوفها اليوم انتعشت شويHeart-love iconHeart-love iconHeart-love icon)
هذا بخصوص حسابات الانستقرام. لكن لما اشوف عقلي انتعش شوي ابدا اثقل عليه واعطيه دفعه اثقل عن طريق المدونات. مو شرط تكون تعطيني شي بمجال مدونتي، يهمني اشوف كيف صاحب المدونه يبذل مجهود بالتدوين عشان تطلع تدوينه مرتبه مفيدة.
 
مدونة عصافير:
مدونة موجهه بشكل مباشر للمربين والأباء لكن اشوفها مهمه لاي شخص يحيط فيه الاطفال. يعطيك نصائح وتلميحات للتعامل مع الطفل باكثر من موقف. المدونة غنية جدا جدا جدا وكل موضوع يحتاج نركز عليه ونقراه بتمعن.

 

 

Putting me Together :
مدونة خاصة بالفاشن بشكل كبير. الجميل فيها ان كل الملابس اللي تعرضها عملية جدا للعمل او الزيارات الخفيفة. تركز احيانا على قطعة وحدة وتعرضها باكثر من لوك. واحيانا تركز على طلة كامله. والجميل ان كلها هي تصورها على نفسها وتضيف روابط لشراء كل قطعة.
في مدونات كثير اتتبعها لنفس الفكرة بس هالمدونة مميزة جدا لان اغلب قطعها عادية، واللوك اللي تعرضه سهل البسه بشكل يومي. باقي المدونات احسهم يركزون على لوك مناسب لسهرات او مناسبات رسميه.

 

Pico Prince :
مدونة خاصة بالبشرة والمنتجات الكورية. بس يميزها انها خاصة برجل كوري Darien. يسوي ريفيو لكثير منتجات للرجل لكن برضو يتكلم عن منتجات عامة. يصور بشرته قبل وبعد المنتج وكذلك يعطي رايه بصراحه مو يرفع لبعض المنتجات. اول مرة وصلت للمدونة كانت لما كنت مصدومة من احد المنتجات اللي مدحته وحدة سعودية ورفعته للسماء ولما استخدمته ما حسيت بفرق وكنت ابي اعرف هل هو صدق كويس او بس انا اللي ما نفع لي. وطحت بمدونته يقول ان هالمستحضر مو مفيد ابدا. غير عن صراحته الرسومات اللي يضيفها على كل تدوينه وتحسسك اللي يقرا انه يتعب بقوة سواء من محتوى او اخراج.

 

Honey Blog : 
مدونة الجميلة ريمHeart-love icon. مدونة تعكس جمال روحها ويعجبني كيف انها مع انشغالها تكتب موضوعات جميلة ومن الحياة وترفقها بصور اجمل .
حاولت اذكر فقط عدد قليل من مصادر الهامي. خليت التدوينة تحمل رقم (١) بحيث اني ابي اكررها كذا مرة خلال السنة وكل مرة اضيف المواقع الجديدة. لاني كشخص ملول جدا مااثبت على قائمة واحدة وكل فترة اغير او اكتشف جديد.
اتمنى تعجبكم قائمة إلهامي واسعد ان تشاركوني بقوائمكم.Hearts-love icon

 

Advertisements

10 thoughts on “مفضلاتي ومصادر إلهامي (١)

  1. وه ياا بختتي 😍😍❤️ مره فرحت اني من ضمن قائمة إلهامك 🙈💗
    حبييت اختياراتك .. تحمست اتابع حقت الفاشن والموقع التربوي 👌🏻.. اتطلع للجزء الثاني ❣

    إعجاب

  2. تدوينة جميلة جداً
    أحب هالنوعية من التدوينات تعرّفني على اشخاص ملهمين أكثر
    و ما غلطتي لما اخترتي صفاء و ريم من الملهمات 😍
    و متحمسين لقائمة جديدة من الإلهام

    إعجاب

    1. حتى انا اتحمس لها لما اقرا عنهم .. اكثر مكان اطول عليه بالانستقرام هو الاكتفتي عشان اشوف الناس ايش عجبهم وايش يتابعون
      بس قهر بالفترة الاخيرة صار فيه اللايك للردود وصار يضيع كثير بالقائمه😪

      إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s