جلسة مساج


 
المساج احد أنماط التدليك اللي احسه شي مهم ناخذه من فترة لفترة، مثله مثل البديكير او الحمام المغربي. السبب في اهميته أننا خلال حياتنا اليوميه نضغط على عضلات معينه ونسبب بتصلبها، او احيان يكون نمط حياتنا مليان توتر ويتركز توترنا بعضلاتنا ونحتاج نطلعه.

التدليك راح يساعد الجسم ترجع العضلة لطبيعتها. وطبعا مو كل تدليك يساعد، فيه انواع بعدها نحس بتعب قوي واليوم الثاني تبدا الراحه، لكن فيه انواع من لحظتها تبدا تنعس من الاسترخاء.
لكن ايش الاشياء اللي لازم نعرفها قبل اي جلسة مساج؟
الاحتياجات تختلف من شخص للثاني، فلازم نجلس مع نفسنا ونفكر ايش يهمني. بالنسبة لي يهمني التالي:
  • قوة الضغط في المساج.
  • الاماكن بالجسم اللي يغطيها.
  • اللبس الافضل خلال الجلسة.
  • انواع الزيوت المستخدمه.
  • اي محظورات لنوع المساج او اذا فيه توجيهات لازم اعرفها قبل المساج.
  • كم احتاج انتظر من اسبوع قبل اخذ اي جلسة اخرى للمساج.
هالاشياء اهتم اقراها قبل اخذ موعد لان للاسف المراكز اللي عندنا ما تعطيك هالمعلومات ولا تحذرك باي شي متعلق بالجلسة، بعكس برا لما نسويه بفنادق كبيرة نلقاهم يهتمون يأكدون على الاشياء اللي لازم تعرفه. فاللي اسويه اني ابحث عن فيديو باليوتيوب لنوع المساج اللي ناويه اسويه واشوف كيف يتم. بعد كذا ابحث عن اراء الناس اللي جربوه وايش قالوا عنه.
أنواع المساج:
فيه أنواع علاجية، وانواع خاصه بالاسترخاء.
العلاجية الافضل نشوف اختصاصي بالمشكلة اللي نعاني منها ونستلم منه تقرير نسلمه للمسؤول عن المساج. أما نوع الاسترخاء ممكن بس نعرف الامور العامه الخاصه فيها.
أنواع المساج اللي جربتها ورايي فيها:
مساج الاسترخاء:
مساج يشمل كل الجسم باستخدام زيوت عطرية. وبسبب الزيوت فالافضل يكون الشخص بدون ملابس او بملابس تستخدم لمرة واحدة. خلال المساج راح نحس بالاسترخاء الشديد.
بعد هذا المساج غالبا يتركونك بالغرفة تاخذ راحتك لان بصراحه انا انعست شوي.
بعض المراكز تقدم لك شاي أعشاب دافي وممكن تسترخي بالجزء الداخلي من المركز.
المساج التايلندي:
هذا من أعنف المساجات اللي جربتها. ما يتم استخدام اي نوع من الزيوت خلاله. يتم المساج على ارض موضوع عليها اسفنج كبير. يتم ارتداء طقم ملابس كامل واسع قليلا.
خلال المساج راح يقوم المعالج بطقطقة كل مفاصل الجسم ابتداء من اطراف الاصابع إلى الرقبة!! بالنسبة لي رفضت انها تسوي شي برقبتي لان خفت من الحركة.
خلال المساج بنلاحظ العضلات قاعدة تسترخي شوي شوي، بس ماراح تبين النتيجه الا بعد كم ساعة. للاسف انا بعد ما سويته اتجهت للمطار وخلال ساعتين كان عندي استعداد انام على الارض. لذلك يفضل ان بعد هالنوع من المساج يكون جدول اليوم فاضي.
مساج الاحجار الساخنه:
مساج باستخدام الاحجار الساخنة والزيوت العطرية. وطبعا اي شي فيه زيوت ماراح يكون فيه ملابس. خلال المساج يتم تدليك الجسم بزيت دافي وبعدها يتم الضغط على عضلات الجسم بالاحجار الساخنه. كما يتم وضع بعض الاحجار الدافئة تحت نقاط معينه بالجسم.
شعوري لهذا النوع شوي ملخبط، ما حسيت بالاسترخاء مثل مساج الاسترخاء ولا فكت عضلاتي مثل التايلندي. لكن لانها ركزت على تدليك اكتافي بقوة ظليت لليوم الثاني اتألم منها وباليوم الثالث استرخت شوي. و بما اني ما جربته الا مرة وحدة ودي اعطيه فرصه ثانية.
مساج مكس بين مساج الاسترخاء والمساج التايلندي:
هذا المساج اعتبره من افضل الانواع اللي جربتها لسببين: يعطيني استرخاء مساج الاسترخاء ويفكك عضلاتي نفس المساج التايلندي بدون عنفه.
بهالنوع من المساج يتم استخدام زيوت عطرية فما يفضل ارتداء الملابس خلاله. كذلك يتم طقطقه بعض المفاصل بالجسم اللي تتعرض لشد، لذلك تقوم المعالجة بالسؤال عن اكثر العضلات المرهقه، أو احيانا تبدا بتدليك خفيف وتستكشف العضلات المشدوده.
مساج الاكتاف والرأس:
مساج الرأس صراحه من أفضل المساجات بالحياة لما تكون مستعجل وماعندك وقت لجلسة كاملة. احيان يكون متوفر بالاسواق الشعبية العامة ببعض الدول، وممكن بعض الصالونات تعرضه لك لما تسوي جلسه للشعر. فيه نوع من مساج الاكتاف والرأس تايلندي هذا شوي عنيف بس مريح.
ما يتم فيه اي استخدام للزيوت ولا يحتاج أي لبس خاص، وكذلك وقت المساج مو طويل واحيان ما يزيد عن عشر دقايق.
مساج الاقدام:
هذا النوع من المساج يغطي منطقتين من الجسم: الاقدام والساق. بعض المراكز تكتفي بالقدم وبعضها تشمل القدم والساق. غالبا نحصل هذا النوع ببعض مراكز السبا تكون ضمن باكج البديكير. و وقته ما يتجاوز العشر دقايق لذلك نلقى له مراكز خاصه ببعض المجمعات ببعض الدول. هذا النوع حلو لما نكون ماشين مسافات طويله، او بعد رحلة تسوق او مجرد دلع. مافيه اي متطلبات للبس بهالنوع الا انه يكون شي يساعد على كشف الساق للركبة.
هذي الانواع اللي جربتها واتمنى اعرف ارائكم في الانواع اللي جربتوها.

 

مصدر الصورة ببداية التدوينة:
http://www.freepik.com/free-photo/porcelain-containers-with-beauty-treatments_937343.htm#term=massage&page=7&position=40
Advertisements

2 thoughts on “جلسة مساج

  1. صراحة انا مرة احب المساج بس ولامرة جربت مساج عجبني لكني أحب أسوي لغيري كنت اسوي لأبوي للرجل والقدم بعدين صرت افتح اليوتيوب واتفرج واتعلم وأتمنى من جد ادرس واتعلم عن فن المساج

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s