سأل؛ وليته لم يسأل XD

في فيلم Notting Hill البطل ويليام كان يعمل في مكتبة مختصة بكتب السياحة، ومع هذا نشوف شخص يجي اكثر من مرة يسأل عن كتب لديكنز🤣. ومع انه وضح له هالشي استمر يجي ويسأل.

هالموقف ومنذ ظهور الفيلم عام ١٩٩٩م كنت اظنه مشهد كوميدي مُختلق🤣.. واستمر هذا الظن لين اشتريت هذا الكتاب😅.

الصورة على الغلاف بالنسخه العربية وكذلك الانجليزية احتوت نفس النكتة. هذي النكتة البسيطة كانت كافيه عشان تقنعني اقتني الكتاب😍. في بداية الكتاب يذكر المؤلف من وين جاب هذي المواقف، ويذكر ان كلها اشياء حقيقية!!😰 😱 صراحة الصدمة بالنسبة لي ان كلها سبق حدثت😰 😱 … بس بعدين لما افكر بالاشياء الغريبة اللي يسألوني اياها طالباتي🤔ارجع استوعب ان مثل هالاشياء تحدث بكثرة.

الكتاب فيه مواقف كثير مضحكة لدرجة كنت اكتم ضحكتي لما اقرا بمكان عام🤣 بس كانت محاولة صعبة جدا لان بعض المواقف لا يمكن توقعها🤣. من جمال المواقف خلصت الكتاب في يوم واحد و على طول نصحت اختي فيه. وكمان اختي قرأته في يوم واحد وقيمته نفس تقيمي انه ممتع وخفيف.

الكتاب متوفر في امازون بالنسخه الانجليزية✨

وكمان صدر له اصدار ثاني✨ باقي ما قريته لكن يبدو انه يستاهل يدخل بقائمة كتب هالسنة.

الكتاب جيد للقراءة الخفيفة✨ سواء في السيارة او الانتظار في الاماكن اللي ما يتوفر فيها الهدوء الكافي للقراءة العميقة. كمان انصح فيه للمبتدئين في القراءة او صغار العمر. ورغم ان الكتاب عدد صفحاته متوسط لكن لانه عبارة عن مواقف متعددة فمحتواه خفيف .

انصح فيه بشدة ولو لتغيير المزاج💕.